Bota

Pse dëgjoj zhurma kërcitëse sa herë që lëviz kokën? Këshilla e doktor Scurr: Vini pas qafës një jastëk

'DailyMail' ka ndarë shqetësimin e disa qytetarëve që kanë kërkuar ndihmë dhe këshilla nga mjeku.

27 Dhjetor 2022, 12:46 Nga A.B
Pse dëgjoj zhurma kërcitëse sa herë që lëviz
Dhimbje veshi

TIRANË- Nëse keni dhimbje veshi sa herë lëvizni kokën dhe ju duket sikur po dëgjoni tinguj, doktori Martin Scurr ju jep përgjigje. 'DailyMail' ka ndarë shqetësimin e disa qytetarëve që kanë kërkuar ndihmë dhe këshilla nga mjeku.

Shqetësimi i gruas: Prej muajsh kam dhimbje veshi dhe kur lëviz kokën, dëgjoj tinguj kërcitës. Unë marr ilaçe kundër dhimbjeve katër herë në ditë për artritin (jam 73 vjeç) por nuk mund të vazhdoj kështu. Mund të më ndihmoni?

Mjeku: Dhimbja që prek fytyrën dhe kokën është jashtëzakonisht e vështirë për t'u diagnostikuar, por fakti që ju gjithashtu përjetoni dhimbje artritike në qafë dhe shpinë më bën të besoj se shpina juaj dhe rruazat në qafë janë çelësi i simptomave tuaja shqetësuese.

Tingujt kërcitës që përshkruani kur lëvizni kokë n njihen si krepitus. Tingujt e kyçeve dhe kërcitja e kockave mund të jenë pjesë normale e lëvizjes, veçanërisht kur plakemi, ndoshta për shkak të konsumimit të kyçeve. Në rastin tuaj, këto zhurma mund të jenë për shkak të osteoartritit që prek shtatë rruazat në qafë, të cilat numërohen nga C1 deri në C7.

Rruazat që mund të shkaktojnë problemet tuaja janë C1 dhe C2, në majë të shtyllës kurrizore. C1 ndodhet në bazën e kafkës - roli i tij është të mbajë peshën e kafkës. C2 'ndërlidhet' me të dhe lejon lëvizjen rrotulluese, kështu që ne mund të kthejmë kokën.

Unë sugjeroj se dhimbja në vesh dhe në anën e kokës është për shkak të presionit mbi nervat e palcës kurrizore në atë pikë, të shkaktuar nga inflamacioni për shkak të artritit. Një shenjë treguese e kësaj do të ishte nëse përjetoni pak lehtësim duke u shtrirë në shpinë, me një jastëk të vënë pas qafës. Në mënyrë të ngjashme, rrotulloni kokën butësisht në njërën anë, pasi kjo lehtëson përkohësisht presionin mbi nervat.

Ju duhet të shihni një kirurg kurrizor ose një neurolog.

martin scurr

Sondazh

Poll

MË SHUMË