Aktualitet

Klodiana Lala rrëfen bisedën me Faik Martinajn: I shkuan shumë politikanë për ngushëllim, janë filmuar nga kamerat

Lala u shpreh se të gjithë janë të filmuar nga kamerat e sigurisë, pasi ceremonia kishte masa të forta sigurie.

26 Dhjetor 2022, 23:07 Nga F.M
Klodiana Lala rrëfen bisedën me Faik Martinajn: I shkuan shumë
Klodiana Lala

TIRANË- Gazetarja Klodiana Lala u shpreh se vetë ka pasur një bisedë mjaft të gjatë me xhaxhain e të zhdukurit të shumëkërkuar, Ervis Martinaj. E ftuar në ‘TPZ’, Lala tha se në banesat e familjes së Martinajt kanë shkuar shumë politikanë për ngushëllime pas masakrës së Fushë Krujës ku mbeti i vrarë Brilant Martinaj, Besmir Hoxha dhe Dikler Vata. Lala u shpreh se të gjithë janë të filmuar nga kamerat e sigurisë, pasi ceremonia kishte masa të forta sigurie.

“Në momentin që ndodhi masakra te mbikalimi i Fushë Krujës, kemi patur eksponentë të njohur të politikës shqiptare që kanë vajtur në familjen Martinaj. Janë të filmuar me kamera sigurie, ka qenë një ceremoni mortore e vëzhguar më shumë se asnjë tjetër, pavarësisht se nuk kam video, kam informacion të detajuar. Po ashtu, ka edhe një moment të rëndësishëm. Kam biseduar shumë gjatë me Faik Martinaj, me xhaxhain e Ervis Martinajt. Kam patur një debat pas ngjarjes, ai kishte humbur nipin, Ervisi ishte nipi i dytë. Por, gishtin e akuzës e ngrinte ndaj kryeministrit të vendit. Ai tha që nipin e kërkoj vetëm te kryeministri dhe kryeministri është përgjegjës për zhdukjen e tij,”- tha Lala ndër të tjera.

Fjala e Lalës vjen pasi sot, Policia e Shtetit ka ushtruar kontrolle në Fushëkuqe, Vlorë dhe në Shijak, ku janë kërkuar gjurmë e të dhëna që do të mund të hedhin dritë mbi fatin e të shumëkërkuarit të zhdukur pa gjurmë që prej 9 gushtit, Ervis Martinaj. Fushëkuqja e Kurbinit, zona ku dhe jeton familja e Martinajt ishte e rrethuar për pesë orë gjatë ditës së sotme. Por, deri më tani nuk është raportuar për gjetjen e ndonjë të dhëne të re në lidhje me fatin e ish-bossit të lojërave të fatit. Policia e Shtetit doli nga Fushëkuqja me armë e municione luftarakë, por pa ndodnjë gjurmë konkrete që mund të zgjeronte hetimet për 40-vjeçarin e zhdukur.

ervis martinaj zhduket ervis martinaj klodiana lala

Sondazh

Poll