Sport

Edhe Keidi Bare dëmtohet. Pas Armando Brojës edhe mesfushori i Kombëtares këput ligamentet e kaviljes, do të operohet…

Nga Barcelona raportohet, se mesfushori i Espanyolit, Keidi Bare, u dëmtua në ndeshjen e fundit të Kupës së Mbretit, teksa la fushën e lojës në minutën e 70-të.

23 Dhjetor 2022, 15:26 Nga DOSJA

Edhe Keidi Bare dëmtohet. Pas Armando Brojës edhe mesfushori i

SPANJE - Mesfushori i Kombëtares kuqezi, Keidi Bare, i cili luan me Espanyol në Spanjë, e ka mbyllur sezonin. Ai është dëmtuar rëndë, ku pas diagnostifikimit mjekësor, është mësuar se futbollisti shqiptar ka këputur ligamentet e kaviljes së djathtë.

Nga Barcelona raportohet, se mesfushori i Espanyolit, Keidi Bare u dëmtua në ndeshjen e fundit të Kupës së Mbretit, teksa la fushën e lojës në minutën e 70-të. Ndjesitë, natyrisht, nuk ishin të mira kur, pak më shumë se 20 minuta të mbetura në lojë dhe një aksioni pa goditje, lojtari vendosi duart në këmbën e tij të djathtë dhe u përkul nga dhimbjet. Logjikisht, ai kërkoi zëvendësimin, në ndeshjen e Kupës kundër Atlético Paso (0-1) dhe këtë të premte, u konfirmuan shenjat më të këqija për Keidi Bare.

Mesfushori shqiptar ka pësuar një çarje të ligamentit të brendshëm në kyçin e këmbës së djathtë, raporton Espanyol përmes një raporti të shkurtër mjekësor, i cili gjithashtu saktëson se këtë të premte, pa vonesë të mëtejshme, futbollisti do t'i nënshtrohet një operacioni për këtë dëmtim. Koha e rikthimit të tij është e pacaktuar, megjithëse është e qartë se Keidi Bare jo vetëm që do të humbasë derbin këtë natë të Vitit të Ri, kundër Barcelonës në Camp Nou, por gjithashtu do të duhet të qëndrojë larg për disa muaj nga fushat e lojës.

Edhe Keidi Bare dëmtohet. Pas Armando Brojës edhe mesfushori i

Tjetër lajmi i keq ky për Kombëtaren kuqezi, e cila humb njëherësh dy lojtarë titullarë për ndeshjet kualifikuese të Euro 2024. Pas sulmuesit Armando Broja të Chelseas, i së fundi u operua me sukses, fati i keq bëri që edhe mesfushori Keidi Bare i Espanyolit, të dëmtohet, duke e çuar në dy numrin e mungesa të kuqezinjve për ndeshjen e parë të 27 marsit ndaj Polonisë për kualifikueset të Euro 2024.

B.T (Dosja.al)

Sondazh

Poll

MË SHUMË