Sport

Skuadra e George Hagit 'kampione e dimrit' në Rumani, ‘kopje’ e Masias në Barcelonë…

'Maradona i Karpateve’ drejton një ekip që tashmë ka fituar një Ligë dhe një Kupë në vendin e tij

23 Dhjetor 2022, 12:22 Nga DOSJA

Skuadra e George Hagit 'kampione e dimrit' në Rumani,

RUMANI - Farul Constanta i ish-lojtarit të kombëtares rumune, i cili ka luajtur edhe me Real Madridin dhe Barcelona, George ‘Gica’ Hagi, e mbylli vitin 2022 si ‘kampione e dimrit’ në Rumani, me vetëm dy humbje dhe me një pikë avantazh ndaj kampionit aktual të kategorisë, CFR Cluj e ish-mbrojtësit të Chelseas, Dan Petresku.

Hagi është pronari dhe trajneri i këtij ekipi historik nga porti i Konstancës, në bregun e Detit të Zi, një klub në të cilin ai filloi futbollin, ku u kthye në vitin 2021, kur skuadra u bashkua me Viitorul Constanta, që ai kishte themeluar në 2009 me synimin për të trajnuar lojtarë të rinj dhe për të rigjallëruar futbollin rumun.

Që nga themelimi i tij, Viitorul ka fituar një Ligë, një Kupë dhe një Superkupë rumune dhe shpreson të fitojë kampionatin e Ligës për herë të parë këtë vit, duke luajtur nën markën e ekipit historik nga qyteti bregdetar, Farul.

Me një model të frymëzuar nga Masía e Barcelonës, projekti i Hagit ka trajnuar mjaft futbollistë të rinj, shumë prej të cilëve tani janë pjesë e kombëtares rumune. Produkti i tyre më i suksesshëm është vetë djali i Hagi, Ianis Hagi, i cili luan për skocezët e Rangers.

Skuadra e George Hagit 'kampione e dimrit' në Rumani,

B.T (Dosja.al)

Sondazh

Poll

MË SHUMË