Aktualitet

Cilët janë 152 institucionet publike që do të kontrollohen nga KLSH në 2023? (Lista e plotë)

Në sitë pritet të kalojë edhe institucione të rëndësishme si Banka e Shqipërisë, Drejtoria e Doganave, Drejtoria e Tatimeve, Posta Shqiptare.

21 Dhjetor 2022, 12:18 Nga DOSJA
Cilët janë 152 institucionet publike që do të kontrollohen
KLSH

TIRANË- Në vitin e ardhshëm 2023 ,do të kalojnë në "skanerin" e Kontrollit të Lartë të Shtetit shumë institucione të rëndësishme , për të zbuluar abuzimet ,keqmenaxhimin e fondeve , shpërdorimin e buxhetit të shtetit si dhe nuk kanë ofruar shërbimet ndaj qytetarëve.

Këto janë listat e 152 institucioneve publike nga Ministritë kryesore në vend, në rreth 61 Bashkitë, ndërmarrjet si Ujëllsjellësa Kanalizime, Radio Televizioni Publik e deri tek Strehëzat e të Moshuarve do të kalojnë në sitën e KLSH.

Sipas këtij dokumenti audituesit do të kontrollojnë performancën financiare, përputhshmërin e aktivitetit sipas legjislacionit, departamentet e teknologjisë së informacionit e deri tek zbatimet e rekomandiemve nga auditet e mëparshme. Në sitë pritet të kalojë edhe institucione të rëndësishme si Banka e Shqipërisë, Drejtoria e Doganave, Drejtoria e Tatimeve, Posta Shqiptare.

Një kapitull i veçantë në këtë auditim është edhe numri 56 ku përfshin “Për sigurinë kibernetike dhe mbrojtien e të dhënave gjatë përdorimit të shërbimeve publike” e mes institucioneve që do auditohen janë Agjensia Kombëtare e Shoqërisë së Informacionit dhe Policia e Shtetit.

Ndërkohë që do të ketë kontrolle të imtësishme dhe në projekte apo investime ,mbi cilësinë e realizimit të tyre ,nga kompanitë përkatëse, ç'ka do të thotë që pritet të merren masa edhe për firma të cilat nuk kanë realizuar punët siç i kanë marrë përsipër.
Ky kalendar auditimi është firmosur nga kreu i institucionit, z.Arben Shehu, ndërsa përgjatë 2022-shit ,ka patur një numër të lartë kallëzimesh penale në prokurori ndaj zyrtarëve publik e të zgjedhurve të cilët u gjetën me shkelje nga KLSH.Gjithashtu janë marrë dhe një numër shumë i lartë masash në radhët e funksionarëve publikë.

klsh

Sondazh

Poll

MË SHUMË