Sport

Nga 2025, Botërori i klubeve me 32 skuadra, kopjon Kupën e Botës

Chelsea është fituesi i fundit i edicionit 2021-2022. Si fitues në fuqi i Ligës së Kampionëve, mundi në finale kampionen e Copa Libertadores Palmeiras në finalen e shkurtit.

16 Dhjetor 2022, 12:31 Nga DOSJA
Nga 2025, Botërori i klubeve me 32 skuadra, kopjon Kupën e Botës

KATAR - Botërorii i Klubeve do të pësojë një ndryshim, po zgjerohet në 32 ekipe që është një gjë e mdhe shumë. Kjo do të thotë se turneu i klubeve i drejtuar nga FIFA do të katërfishohet në madhësi nga formati aktual me shtatë palë.

Ndryshimet e mëdha do të hyjnë në fuqi nga viti 2025, siç u zbulua sot nga presidenti i FIFA-s, Gianni Infantino.

Chelsea është fituesi i fundit i edicionit 2021-2022. Si fitues në fuqi i Ligës së Kampionëve, mundi në finale kampionen e Copa Libertadores Palmeiras në finalen e shkurtit.

Klubet evropiane dhe të Amerikës së Jugut u bashkuan në gjysmëfinale me ekipet nga konfederatat e tjera në Afrikë, Azi, Oqeani, Amerikën Qendrore dhe Karaibe, si dhe kampionët e ligës së vendit pritës që u bashkuan më herët.

Real Madridi do të jetë përfaqësuesi evropian në edicionin 2022-2023 pas fitores së tyre ndaj Liverpoolit në Paris në maj.

Infantino konfirmoi se turneu do të zhvillohet në Marok, ashtu siç ishte në 2013 dhe 2014.

Kupa e Botës për Klube filloi në vitin 2000 me Chelsea duke u bërë skuadra e tretë angleze që e fiton atë pas Manchester United në 2008 dhe Liverpool në 2019.

Real Madrid është skuadra më e suksesshme në historinë e turneut me katër tituj, një më shumë se rivalja e saj Barcelona. Skuadra braziliane Corinthians dhe Bayern Munich kanë fituar nga dy, ndërkohë 14 nga 15 të fundit janë fituar nga skuadra evropiane.

Infantino shtoi gjithashtu se një Kupë Bote për Klube për Femra do të nisë - megjithëse nuk u dhanë detaje të mëtejshme në këtë fazë.

B.T (Dosja.al)

Sondazh

Poll

MË SHUMË