Sport

Tifozët argjentinas i kërkojnë Federatës bileta “me çmimin zyrtar”... Në tregun e zi oferta ka shkuar deri në 5000 dollarë!

Tifozët pretendojnë se nuk ka bileta zyrtare në dispozicion për finalen, duke bërë që çmimet e biletave të rishitjes të rriten në mënyrë stratosferike.

16 Dhjetor 2022, 10:23 Nga DOSJA
Tifozët argjentinas i kërkojnë Federatës bileta “me

KATAR - Pak më shumë se njëqind tifozë argjentinas u mblodhën këtë të enjte në portat e hotelit zyrtar të AFA (Federata Argjentinase e Futbollit) në Doha për të kërkuar që të nxjerrin në shitje biletat zyrtare që supozohet se janë bllokuar... Ndërkohë që çmimet nga rishitja e biletave në tregun e zi është rritur deri në pesë herë më shumë se kostoja fillestare.

"Ne duam mundësinë e blerjes së biletave me çmime normale, nuk duam që ata të na falin gjë. Shumica prej nesh kemi qenë këtu që nga fillimi i Kupës së Botës; e kuptojmë që çmimet zyrtare në këtë pikë janë më të shtrenjta, nga 600 dollarë 1.500 dollarë, por askush nuk mund të paguajë atë që kërkohet nga rishitja e tyre në tregun e zi, ku çmimi ka shkuar deri në 5.000 dollarë”,- shpjegon një nga protestuesit.

Disa tifozë, pretendojnë se ka bileta zyrtare të bllokuara, që nuk janë në shitje dhe i kërkojnë Federatës së tyre që të ndërmjetësojë për t'i nxjerrë ato në shitje: “Ne kërkojmë vetëm që këto bileta zyrtare të jenë në shitje, shumë prej nesh janë në Katar duke brohoritur që nga nëntori”,- shton një tjetër tifoz, të cilit i janë ofruar bileta rishitje për 3.000 dollarë.

“Natyrisht që askush nuk dëshiron të humbasë finalen dhe ne presim të shfaqet ndonjë lider i rëndësishëm që mund ta zgjidhë këtë situatë”,- përfundon një tjetër tifoz argjentinas.

B.T (Dosja.al)

Sondazh

Poll

MË SHUMË