Politike

SHBA reagon ashpër për sulmin ndaj Berishës: U skandalizuam

Zëdhënësi tha se presin që autoritetet ta hetojnë ngjarjen. 

6 Dhjetor 2022, 14:09 Nga F.M
SHBA reagon ashpër për sulmin ndaj Berishës: U skandalizuam
Ambasada e SHBA-ve në Tiranë

TIRANË- Ambasada e Shteteve të Bashkuara të Amerikës ka reaguar e skandalizuar pas dhunimit të kryedemokratit Sali Berisha në protestë. Zëdhënësi i ambasadës së SHBA-ve thotë në një prononcim për Euronews se presin që autoritetet ta hetojnë ngjarjen. 

"SHBA reagon për sulmin ndaj kreut të PD-së Sali Berisha. Nje zedhenes i ambasades se SHBA deklaroi: U skandalizuam nga sulmi fizik sot ndaj nje anetari te parlamentit dhe presim qe autoritetet ta hetojne plotesisht incidentin. Askush nuk duhet sulmuar sepse ushtron lirine e fjales ne perputhje me ligjin,"- tha zëdhënësi. 

Protesta e PD-së nisi në orën 12:00 paralelisht me Samitin BE-Ballkani Perëndimor që po mbahet në Tiranë, por u shoqërua me një incident të rëndë. Kryedemokrati Berisha u qëllua me grusht një nga 31-vjeçar i identifikuar si Gert Shehu. Shehu mësohet se është 31 vjeç, banues në Tiranë. Pasi goditi Berishën, ndërhynë truprojat dhe Shehu u dhunua prej tyre. Aktualisht ai ndodhet në spitalin e Traumës dhe është zyrtarisht i arrestuar. 

 

 

 

ambasada e shba ne tirane protesta e opozites 6 dhjetor 2022

Sondazh

Poll