Politike

Berisha: Sot zotohemi se pa votën e lirë, nuk ka dhe nuk do ketë stabilitet në Shqipëri

Berisha flet nga protesta.

6 Dhjetor 2022, 13:52 Nga F.M
Berisha: Sot zotohemi se pa votën e lirë, nuk ka dhe nuk do ketë
Sali Berisha

TIRANË- Kreu i Partisë Demokratike Sali Berisha ka paralajmëruar destabilizim në vend. Në fjalën e tij në protestën e mbajtur në shesh, Berisha tha se nëse në Shqipëri nuk ka votë të lirë, nuk do të ketë stabilitet në vend. 

"Ndaj nga ky shesh, të zotohemi ne se pa votën e lirë, nuk ka dhe nuk do ketë stabilitet në Shqipëri. Ju ftoj të brohorasim: poshtë stabilokracia dhe vota e vjedhur, rroftë vota e lirë. U them udhëheqësve politikë të Europës, se Edi Rama është i padenjë të qëndrojë në atë samit. Shqipëria është në rrezik të vërtetë ekzistencial. Këto kohë të gjithë jeni dëshmitarë se si shqiptarët pas 31 viteve u shfaqën kanaleve të La Manshit duke kaluar sirianë dhe afganë dhe kryeministri i Shqipërisë fajësoi qeverinë britanikë. Por kjo është vetëm maja e dramës së shpopullimit. 740 mijë shqiptarë kanë emigruar gjatë kësaj qeverisje, mbi 500 mijë janë të rinj dhe fëmijë. Cila është e vërteta? Çfarë do të thotë kur shkollat mbyllen, kur bizneset ulin qepenat? Kombi po ikën, po i vjedhin të ardhmen e tij. Nuk është e nevojshme të jem mjek për të kuptuar që këto shifra flasin për një trup në vdekje e sipër. Mbi shqiptarët po bëhet spastrim etnik në proporcionet e një gjenocidi. Shqipëria është në rrezik, ne do e shpëtojmë atë,"- tha Berisha. 

sali berisha protesta e opozites 6 dhjetor 2022 dhunohet berisha ne proteste

Sondazh

Poll

MË SHUMË