Politike

Primaret në PD/ Berisha: Sot miratojmë kandidaturat, janë mbi 200

Sipas kreut të PD janë dorëzuar mbi 200 kandidime që vijnë nga politika, shoqëria civile dhe fusha të tjera.

15 Nëntor 2022, 14:47 Nga e.k
Primaret në PD/ Berisha: Sot miratojmë kandidaturat, janë mbi 200
Sali Berisha

TIRANË- Kryetari i Partisë Demokratike Sali Berisha tha se sot do të miratohen dhe kandidaturat e paraqitura pranë selisë blu nga kandidatët që kanë shprehur dëshirën për të marrë pjesë në procesin e primareve. Sipas kreut të PD janë dorëzuar mbi 200 kandidime që vijnë nga politika, shoqëria civile dhe fusha të tjera.

Sali Berisha: or ne sot kemi një mbledhje me rend dite, një çështje që është themelore për aktualitetin e PD-së. Miratojmë kandidaturat e paraqitura për bashkitë në përputhje me statutin nga bashkitë e vendit. Komisioni i Operacioneve Zgjedhore më ka informuar mua se deri më tani janë mbi 200 e ca personalitete politike, të shoqërisë civile dhe të tjerë, të cilët kanë aplikuar për të kandiduar për qytetar të parë të bashkive tona. Unë kam një falënderim për secilin prej tyre. Këta janë personalitete të shquara të partisë, të jetës publike të vendit, individë me jetëshkrim suksesi dhe secili prej tyre me kandidimin, me besimin që ka shprehur, dëshmon vullnetin për të qenë një misionar i rikthimit të pluralizmit politik dhe një shërbëtor i qytetarëve të cilët paraqiten për votëbesim në radhë të parë të anëtarësisë dhe simpatizantëve të PD, dhe më pas të qytetarëve të qytetit

Partia Demokratike dhe Partia e Lirisë shkojnë bashkë në zgjedhjet vendore të 14 majit 2023. Marrëveshja e kthyer në një "kontratë" bashkëpunimi elektoral mes dy partive u firmos nga dy kryetarët Sali Berisha dhe Ilir Meta. 

sali berisha primaret ne pd

Sondazh

Poll

MË SHUMË