Bota

Kritikon mungesën e Putin në samitin e G20, Sunak: Rusia 'të dalë nga Ukraina', t'i japë fund luftës barbare

Sunak qortoi Rusinë duke thënë se "vendet nuk duhet të pushtojnë fqinjët e tyre".

15 Nëntor 2022, 07:32 Nga A.B
Kritikon mungesën e Putin në samitin e G20, Sunak: Rusia 'të
Rishi Sunak

BRITANI E MADHE- Kryeministri Rishi Sunak ka thënë se Rusia duhet "të dalë nga Ukraina dhe t'i japë fund kësaj lufte barbare", ndërsa u përball me zyrtarët rusë në samitin e G20 në Bali.

Ai i bëri komentet në seancën e parë, ditën e djeshme, e cila ishte e mbyllur për media, teksa kritikoi mungesën e presidentit rus Vladimir Putin.

Sipas një transkripti nga nr 10,Sunak tha: "Është e dukshme që Putini nuk u ndje në gjendje të bashkohej me ne këtu. Ndoshta nëse do të kishte, ne mund të vazhdonim me rregullimin e gjërave. Sepse ndryshimi i vetëm më i madh që dikush mund të bëjë është që Rusia të largohet nga Ukraina dhe t'i japë fund kësaj lufte barbare. Kjo do të ishte transformuese për Ukrainën dhe për botën. Britania e Bashkuar e kundërshton këtë agresion. Ne do ta mbështesim Ukrainën për aq kohë sa të duhet."

Sunak qortoi gjithashtu Rusinë duke thënë se "vendet nuk duhet të pushtojnë fqinjët e tyre".

Kryeministri i Mbretërisë së Bashkuar u takua me liderët e 19 ekonomive më të mëdha në botë në Bali, takimi i parë në historinë 15-vjeçare të grupit që do të mbahet nën hijen e një lufte të madhe evropiane të nxitur nga një prej anëtarëve të tij.

Rusia pushtoi Ukrainën pothuajse nëntë muaj më parë, duke e lënë pjesën tjetër të botës të luftojë për t'u marrë me pasojat, e cila ka përfshirë rritjen e çmimeve të ushqimit dhe energjisë./Burimi: Skynews

rishi sunak britani e madhe

Sondazh

Poll

MË SHUMË