Bota

Zgjedhjet në 4 komunat në veri, Osmani thërret në takim partitë politike për caktimin e datës

Takimi konsultativ me subjektet politike do të mbahet më 14 nëntor. Një ftesë e tillë është dërguar pasi që kryetarët e komunave të Mitrovicës së Veriut, Zveçanit, Leposaviçit dhe Zubin Potokut kanë dhënë dorëheqje nga pozitat e tyre.

11 Nëntor 2022, 12:33 Nga I.A
Zgjedhjet në 4 komunat në veri, Osmani thërret në takim
Foto Ilustruese

KOSOVË- Presidentja e Republikës së Kosovës, Vjosa Osmani, duke pasur parasysh afatet ligjore të përcaktuara me legjislacionin në fuqi, sot u ka dërguar ftesa subjekteve politike për konsultim për caktimin e datës së zgjedhjeve të jashtëzakonshme për kryetarë komunave: Mitrovicë e Veriut, Zveçan, Leposaviç dhe Zubin Potok.

Takimi konsultativ me subjektet politike do të mbahet më 14 nëntor. Një ftesë e tillë është dërguar pasi që kryetarët e komunave të Mitrovicës së Veriut, Zveçanit, Leposaviçit dhe Zubin Potokut kanë dhënë dorëheqje nga pozitat e tyre. Këto dorëheqje janë dorëzuar në Ministrinë e Administrimit të Pushtetit Lokal (MAPL), për të cilat është njoftuar edhe Zyra e Presidentes së Republikës së Kosovës.

Pas konsultimit me partitë politike, Presidentja Osmani pritet ta shpallë datën e zgjedhjeve të jashtëzakonshme për kryetarë të këtyre katër komunave brenda afateve ligjore.

vjosa osmani tensionet në veri të kosovës

Sondazh

Poll

MË SHUMË