Politike

Skenari i protestës? Berisha: Ka risi, rolet i kemi të ndara, unë kam fjalimin. Basha nuk mund të vijë pa sqaruar akuzën për para ruse

I pyetur për praninë e ish-kryetarit Lulzim Basha, Berisha tha se ai nuk është i mirëpritur. Sipas tij, deputeti duhet të pastrojë fillimisht emrin e tij nga akuza që ka për financimin e fushatës me para ruse. 

11 Nëntor 2022, 12:36 Nga f.g

Skenari i protestës? Berisha: Ka risi, rolet i kemi të ndara, unë

TIRANE- Sali Berisha, kryetar i Partisë Demokratike pranoi se ka një skenar për zhvillimin e protestës së 12 nëntorit. Berisha tha se roli i tij është fjalimi, ndërsa tha se protesta do të ketë risi. 

“Detyrat janë të ndara. Unë kam fjalimin, bashkëpunëtorët kanë skenarin. të tjerët kanë himnin dhe kështu me radhë. Mos të hyjë në kompetencat e të tjerëve, secili në punën e vetë. Do ketë risira.”, tha Berisha.

I pyetur për praninë e ish-kryetarit Lulzim Basha, Berisha tha se ai nuk është i mirëpritur. Sipas tij, deputeti duhet të pastrojë fillimisht emrin e tij nga akuza që ka për financimin e fushatës me para ruse. 

"Të gjithë mund të vijnë përveç Lulzim Bashës i cili duhet të sqarojë akuzën e tmerrshme që ka. Të tjerët janë anëtarë të PD-së dhe nuk mund të më marrin leje mua ata që të protestojnë kundër qeverisë. Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt e provë për ato akuza konkrete që ekzistojnë aty. Hetimi nga selia po vazhdon. Mendoj se është i detyruar të ketë burrërinë të tregojë dhe në qoftë se i takon të hyjë brenda, ose të shpallet i penduar i drejtësisë dhe të tregojë të vërtetën."-tha Berisha. /Dosja.al

sali berisha lulzim basha protesta e opozites 12 nentor 2022

Sondazh

Poll

MË SHUMË