Aktualitet

Kockat e ijeve dhe brinjët e thyera, si u gjet Joy e kazinosë në gjendje kome poshtë pallatit, nuk kryen dot asnjë funksion jetësor  

Ajo nuk mund të flasë, të kthejë kokën, të hajë vetë, të gëlltisë ushqimin ose të kryejë funksione thelbësore njerëzore për shkak të TBI (Dëmtimi traumatik i trurit). 

9 Nëntor 2022, 13:12 Nga F.M
Kockat e ijeve dhe brinjët e thyera, si u gjet Joy e kazinosë në
Joy

TIRANË- Joy, vajza nga Kenia që erdhi në Tiranë për të punuar ndodhet prej tre muajsh në gjendje të rëndë për jetën në spitalin e Traumës. E reja u gjet poshtë pallatit ku jetonte dhe u dërgua në gjendje kome në spitalin e Traumës. Ajo është trajtuar nga stafi mjekësor dhe vlerësuar si gjendje e rëndë shëndetësore, me prognozë të rezervuar

Joy ka tre brinjë e dy kocka të ijeve të thyera. Ajo nuk mund të flasë, të kthejë kokën, të hajë vetë, të gëlltisë ushqimin ose të kryejë funksione thelbësore njerëzore për shkak të TBI (Dëmtimi traumatik i trurit). Ndaj familja dhe miqtë e saj po kërkojnë para që Joy, e cila ditëlindjen e saj të 22 e festoi në këtë shtrat spitali të shtrohet e të marrë terapinë e nevojshme për të rifituar kontrollin mbi trurin e saj.

E reja u zhduk më 13 gusht 2022 nga ora 03:25 e mëngjesit deri rreth orës 07:00 të mëngjesit, kohë kur u gjet në këtë gjendje. Ajo ishte rekrutuar për të punuar në kazinonë pranë stadiumit ‘Air Albania’, e cila operohet nga një kompani austriake që përfaqësohet ne Tiranë nga shtetasi Bledar Sinanaj, i njohur si Dari, por ngjarja u mbajt e fshehtë për arsye të paqarta. Sot, tre muaj pas ngjarjes, Policia e Shtetit publikoi njoftimin zyrtar në të cilin shkruan se janë referuar materialet në Prokurorinë pranë Gjykatës së Rrethit Gjyqësor Tiranë, e cila ka regjistruar procedimin penal, për veprën penale “Plagosja e rëndë me dashje”. Por ndaj kujt? Kjo s’dihet ende!

 

joy policia e tiranes

Sondazh

Poll

MË SHUMË