Aktualitet

Kthimi në burg i Alqi Bllakos/ Zbulohen DETAJE nga seanca, SPAK: Ka prova dhe fakte se mund të largohet jashtë vendit

Gjyqtarja Ilirjana Olldashi e ka arsyetuar vendimin e saj për rikthimin në burg të Alqi Bllakos duke u bazuar në pretendimet e SPAK se ka prova dhe fakte se ai mund të largohet jashtë vendit. Gjithashtu SPAK është shprehur se ekziston mundësia që ish-deputeti socialist të ndikojë në marrjen e provave si dhe të ndikojë të drejtësia. 

9 Nëntor 2022, 12:33 Nga e.k
Kthimi në burg i Alqi Bllakos/ Zbulohen DETAJE nga seanca, SPAK: Ka prova
Alqi Bllako

TIRANË- Gjykata e Apelit Kundër Korrupsionit dhe Krimit të Organizuar ka rikthyer sërish në burg ditën e sotme ish-deputetin socialist Alqi Bllako, i cili akuzohet për shpërdorim detyre dhe falsifikim dokumentesh. Ai ishte vetë i pranishëm në seancë ku u shoqërua nga avokati i tij. Struktura e Posaçme Kundër Korrupsionit dhe Krimit të Organizuar e kishte apeluar vendimin e dhënë më parë nga GJKKO.

Gjyqtarja Ilirjana Olldashi e ka arsyetuar vendimin e saj për rikthimin në burg të Alqi Bllakos duke u bazuar në pretendimet e SPAK se ka prova dhe fakte se ai mund të largohet jashtë vendit. Gjithashtu SPAK është shprehur se ekziston mundësia që ish-deputeti socialist të ndikojë në marrjen e provave si dhe të ndikojë të drejtësia. 

Alqi Bllako u arrestua më 31 mars 2022, me urdhër të SPAK, pasi akuzohet se në kohën kur postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka dhe ish-kryetarin e Komisionit të Shpronësimit Pëllumb Abeshi, ata kanë falsifikuar dokumentin në lidhje me sipërfaqen e tokës ku u ndërtua inceneratori i Fierit duke i shkaktuar dëm buxhetit të shtetit prej 16 milionë lekësh. Bllako u lirua nga burgu rreth një muaj me argumentin se kishte fëmijët e mitur dhe bashkëshortja ishte në punë dhe duhet të kujdesej për ta.

alqi bllako rikthehet ne qeli alqi bllako ne spak

Sondazh

Poll

MË SHUMË