Politike

Deputeti i PD Alfred Rrushaj dorëzon zyrtarisht në Kuvend kërkesën për heqjen dorë nga mandati

Dy ditë më parë u bë i ditur lajmi se Rrushaj do të dorëzonte mandatin e deputetit për arsye personale. Ndërkohë ditën e sotme ai ka zyrtarizuar dorëheqjen duke dorëzuar në Kuvend dhe letrën ku theksohet se ai me vullnet të lirë heq dorë nga mandati i fituar me 25 prill.

9 Nëntor 2022, 10:17 Nga e.k

Deputeti i PD Alfred Rrushaj dorëzon zyrtarisht në Kuvend

TIRANË- Alfred Rrushaj dorëzon zyrtarisht mandatin e deputetit në Kuvend. Ai ka dorëzuar sot një shkresë në Kuvend duke theksuar se heq dorë nga mandati i deputetit. Dy ditë më parë u bë i ditur lajmi se Rrushaj do të dorëzonte mandatin e deputetit për arsye personale. Ndërkohë ditën e sotme ai ka zyrtarizuar dorëheqjen duke dorëzuar në Kuvend dhe letrën ku theksohet se ai me vullnet të lirë heq dorë nga mandati i fituar me 25 prill.

Ndërkohë pritet që në vend të tij në Kuvendin e Shqipërisë të hyjë Petrit Doda, i renditur i 32-ti në listën e kandidatëve të PD në Tiranë për zgjedhjet e 25 prillit të vitit të kaluar.

Demokrati Alfred Rushaj është një emër i njohur për demokratët pasi ka mbajtur poste të rëndësishme në qeverinë Berisha. Ai ka shërbyer si zv.ministër i Financave nga viti 2009 deri në vitin 2013 dhe si këshilltar juridik i Ministrit të Ekonomisë, Tregtisë dhe Energjisë nga viti 2005 deri në vitin 2009. Nga viti 1997 deri 2005 ka mbajtur disa pozicione menaxheriale dhe ekzekutive në Korporatën Elektroenergjetike Shqiptare (KESh), ka qenë Kryetari i Bordit Mbikëqyrës të OSSH, Anëtar i Bordit të Drejtorëve të OST, Anëtar i Bordit të Drejtues për Agjencinë e Burimeve Natyrore, por ka mbajtur edhe pozicione të rëndësishme drejtuese në kompani të mëdha që operojnë në Shqipëri. 

Ditën e djeshme një tjetër deputete e Partisë Demokratike njoftoi dorëheqjen nga mandati i deputetit. Grida Duma me anë të një deklaratë nga Kryesia e Kuvendit bëri me dije se ka dorëzuar në Kuvend shkresën ku hiqte dorë nga mandati i fituar me 25 prill.

alfred rrushaj partia demokratike

Sondazh

Poll

MË SHUMË