Sport

VIDEO/ Pas një loje të çmendur, Los Angeles kampion i MLS-së, fitoi me penallti…

Los Angeles fiton titullin në SHBA, pasi mundi në finale Philadelphia Union. Pas rezultatit 2-2 në kohën e rregullt, në kohën shtesë goli i Gareth Bale do të fiksonte shifrat në 3-3, për të kaluar te penalltitë. Aty, portieri rezervë John McCarty bëri dy pritje dhe u shpall lojtari i finales

6 Nëntor 2022, 07:34 Nga DOSJA

VIDEO/ Pas një loje të çmendur, Los Angeles kampion i

SHBA - Ata ia arritën. Pesë vjet pasi u themelua, Los Angeles FC fitoi MLS.  Kalifornianët fituan 3-0 nga pika e bardhë e penalltisë ndaj Philadelphia Union, pas një ndeshje të çmendur, që u mbyll 3-3 pas kohës shtesë.

Gjithçka u vendos në momentet e fundit. Të dy skuadrat shkuan goditje për goditje, Gazdag (59’) shënoi, duke iu përgjigjur golit të Acostas për kalifornianët (27’). Më pas Los Angeles rifitoi avantazhin dhe mendoi të fitonte falë Murillo (83’), por Elliott u përgjigj shpejtë (85’).

2-2 në fund të kohës së rregullores të ndeshjes. Në kohën shtesë, u mendua se gjithçka do të zgjidhej nga penalltitë. Por kartoni i kuq i Crépeau, portierit të Los Anxhelosit në minutën e 116-të, i dha ngjyra dramatike takimit. Filadelfia mendoi për një moment se e rrëmbeu trofeun, teksa Elliott i dha epërsinë (124’).

Por ata nuk kishin llogaritur në Gareth Bale, që kishte hyrë në fushë në minutën e 97-të, i cili duke kërcyer mbi të tjerët do të shënonte me kokë, për ta çuar zgjidhjen e ndeshjes te penalltitë (128’). 

Dhe në këtë finale të çmendur 3-3, heroi i ndeshjes u cilësua John McCarty, portiere rezervë që hyri në fushë për të zëvendësuar Crépeau e përjashtuar me karton të kuq. Ai priti dy penallti për t'i ofruar titullin e kampionit skuadrës së Los Angelesit. Madje ai u votua MVP i finales.

B.T (Dosja.al)

Sondazh

Poll

MË SHUMË