Politike

Rama për pedagogët: S'ka protestë, është sindikatë me në krye një SHIKS që kërkon rritje rrogash në kohë krize

Ai tha se në këto kohë krize, nuk është normale të kërkohet rritje page, kur u është rritur njëherë.

3 Nëntor 2022, 22:49 Nga F.M
Rama për pedagogët: S'ka protestë, është
Edi Rama

TIRANË- Kryeministri Edi Rama nuk e konsideron protestë daljen e pedagogëve me një listë kërkesash, kryesisht atë të rritjes së pagave. I ftuar në "Real Story", Rama tha se bëhet fjalë vetëm për një sindikatë që drejtohet nga një 'SHIKS', referuar pedagogut Sandër Kovaçi. Ai tha se në këto kohë krize, nuk është normale të kërkohet rritje page, kur u është rritur njëherë.

"E para njëherë, nuk kemi protestë, kemi një sindikatë që drejtohet nga një SHIK-s 24 karat i asaj kohe kur SHIK ishte terror urban, të urbanizuar me non-gratën me një kërkesë të papranueshme për një rritje pagash, totalisht përtej rritjes që për pedagogët ishte më e larta se u shfrytëzua dhe buxheti i shtetit dhe i universiteteve. Dhe të dalësh në këtë kohë e të kërcënosh me grevë urie në një kohë kur duhet të mendosh për ata që kanë më shumë nevojë sesa ti...kjo nuk është protestë. kështu mendojnë shumica e pedagogëve që nuk i janë afruar kësaj proteste. Kam dhënë opinionin tim shumë hapur, nuk e di se kush mund të bëjë akte të tilla, kjo është në kundërshtim të plotë me profesionin e pedogogut. Nuk bëhet,"- tha Rama.

edi rama protesta e pedagogeve

Sondazh

Poll

MË SHUMË