Aktualitet

Qëndrimi i parregullt dhe refuzimi i azilit, riatdhesohen 60 shqiptarë nga Franca

28 Gusht 2019, 11:25 Nga DOSJA
Qëndrimi i parregullt dhe refuzimi i azilit, riatdhesohen 60 shqiptarë

TIRANË- 60 shqiptarë janë riatdhesuar nga Franca ditën e sotme. Sipas njoftimit të Policisë së Shtetit 20 prej tyre kishin kërkuar azil dhe 40 të tjerët për qëndrim të parregullt në vendet e BE-së.

Në këtë kontekst, Policia e Shtetit njofton se operacionet e riatdhesimit do vijojnë edhe në javët e ardhshme, teksa iu bën thirrje shtetasve shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen.

Njoftimi i policisë:

Rinas – Vijojnë operacionet e riatdhesimit të shtetasve që kanë kërkuar azil apo kanë shkelur rregullat e qëndrimit në hapësirën Schengen.

U zhvillua operacioni i radhës i riatdhesimit nga Lille, Francë

Nëpërmjet një charteri nga Franca, në kuadër të fluturimit të përbashkët evropian organizuar nga Franca dhe Frontex, si dhe me mbështetjen e eskortës shqiptare, u riatdhesuan 60 shtetas shqiptarë, nga të cilët 20 prej tyre kishin kërkuar azil dhe 40 të tjerët për qëndrim të parregullt në vendet e BE-së.

Operacionet e riatdhesimit do vijojnë edhe në javët e ardhshme dhe në këtë kontekst, Policia e Shtetit apelon të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen, si dhe mos bëjnë provojnë të kërkojnë azil, pasi shanset për ta fituar janë zero.

Njëkohësisht Policia Kufitare, në pikat e kalimit do vijojë me kontrollet rigoroze në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe të kontrollit më të rreptë të kufirit jeshil.

(a.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet france riatdhesohen 60 shqiptare rinas france riatdhesohen 60 shqiptare rinas

Sondazh

Poll

MË SHUMË