Aktualitet

Gara për kreun e SPAK, pas Xholit del emri i dytë, depoziton kandidaturën edhe Edvin Kondili

Para Edvin Kondilit, ishte Adnan Xholi, hetuesi që ka shprehur interes për të zëvendësuar Arben Krajën në krye të SPAK. 

31 Tetor 2022, 11:00 Nga k.m.
Gara për kreun e SPAK, pas Xholit del emri i dytë, depoziton
Edvin Kondili

TIRANË- Edvin Kondili është emri i dytë që do të garojë për drejtimin e Prokurorisë së Posaçme kundër Korrupsionit dhe Krimit të Organizuar. Ditën e sotme, Këshilli i Lartë të Prokurorisë është bërë me dije se prokurori Edvin Kondili ka depozituar kërkesën e tij, duke e çuar në dy numrin e kandidatëve. Para tij, ishte Adnan Xholi, hetuesi që ka shprehur interes për të zëvendësuar Arben Krajën në krye të SPAK. 

Mandatit 3-vjeçar të drejtuesit të saj, Arben Kraja, po i vjen fundi, pasi kreu i këtij institucioni gëzon vetëm një mandat dhe nuk ka të drejtë rizgjedhjeje. Kështu që për zëvendësimin e tij, KLP hapi garën më 19 shtator. Përmes një njoftimi bëri me dije se kandidatët duhet të plotësojnë disa kushte, si eksperienca në  ndjekjen e çështjeve sensitive të korrupsionit dhe krimit të organizuar; aftësi në organizimin dhe drejtimin e një structure, vizionin ose planin e besueshëm për organizimin e Prokurorisë së Posaçme si një institucion funksional dhe efektiv si dhe imazh publik si prokuror. 

Afati për aplikimin e kandidaturave është 2 nëntor 2022, ora 24:00. Arben Kraja përfundon mandatin në datën 18 dhjetor. Në momentin që do të largohet si kryetar i SPAK, Kraja do të vijojë të mbetet prokuror i SPAK edhe për gjashtë vite të tjera. Kjo pasi mandati i një prokurori është nëntë vite, ndërsa drejtuesi i SPAK zgjidhet çdo tre vjet dhe nuk ka të drejtë të rizgjidhet.

adnan xholi gara per kreun e spak edvin kondili

Sondazh

Poll

MË SHUMË