Bota

Vijojnë alarmet për bombë në Shkup, një tjetër gjimnaz ka marrë kërcënime me anë të emailit

Rreth orës 14:00 shkolla e mesme “Nikolla Karev ka marrë një e-mail për një bombë në godinë, gjë që ka shkaktuar panik në mesin e nxënësve ashtu si edhe në shkollat tjera në dy ditët e kaluara.

28 Tetor 2022, 16:10 Nga d.a.
Vijojnë alarmet për bombë në Shkup, një tjetër
Policia maqedonase

MAQEDONIA E VERIUT- Sot është dita e tretë që në disa gjimnaze në Shkup të Maqedonisë së Veriut janë marrë kërcvnime për bombë me anë të emailit.

Sipas Alsat, rreth orës 14:00 shkolla e mesme “Nikolla Karev ka marrë një e-mail për një bombë në godinë, gjë që ka shkaktuar panik në mesin e nxënësve ashtu si edhe në shkollat tjera në dy ditët e kaluara.

“Menjëherë pas marrjes së njoftimit, nga ana e shërbimeve policore janë ndërmarrë masat për evakuim të sigurt nga shkolla. Janë bërë kontrolle nga njësitet antiterroriste ndërsa në rrjedhë e sipër janë masat për zbardhjen e rastit”, njoftojnë nga Ministria për Punë të Brendshme.

Unioni i Nxënësve të shkollave të mesme u bën thirrje nxënësve për qetësi, ndërsa nga MPB-ja që të përkushtohet maksimalisht në zbardhjen e kërcënimeve.

“Ministria e Punëve të Brendshme maksimalisht të përkushtohet në hetimin dhe zgjidhjen e shpejtë të situatës, që përsëri të mund të kemi mësim të sigurt dhe pa pengesa. Këto kërcënime duhet të merren seriozisht duke pasur parasysh gjendjen me sigurinë në vend dhe në botë”, thonë nga Unioni i Nxënësve të shkollave të mesme.

Tetë shkolla të mesme të mërkurën dhe nëntë ditën e enjte, kanë marrë emaile të cilat përmbanin mesazhe kërcënuese për vendosje të bombave në godinat e tyre, ku pas verifikimeve përkatëse kanë rezultuar të rreme. Ministri i punëve të Brendshme Oliver Spasovski gjatë ditës së djeshme tha se ka informacione se prej nga janë dërguar kërcënimet, por e përjashtoi edhe mundësinë e sulmeve kibernetike.

policia maqedonase alarm per bombe ne shkup oliver spasovski

Sondazh

Poll

MË SHUMË