Politike

137 fluturime me "CHARTER - 0000", Rama: Është avion i thjeshtë, shpenzimet i kam tek buxheti i shtetit

Edi Rama shtoi se shpenzimet i ka të deklaruara në buxhetin e qeverisë. 

27 Tetor 2022, 21:29 Nga k.m.
137 fluturime me "CHARTER - 0000", Rama: Është avion i
Edi Rama

TIRANË- Kryeministri Edi Rama ka reaguar pas publikimit të të dhënave të tij lidhur me fluturimet jashtë vendit nga grupi iranian i "HomeLandJustice". Me anë të një postimi të bërë në rrjetet e tij sociale, numri një i qeverisë tha avioni që përdor për udhëtime pune nuk është një charter komercial, po një avion komercial. Ndërsa shtoi se shpenzimet i ka të deklaruara në buxhetin e qeverisë. 

"Sikur udhëtimet e mia të punës t’u kushtonin shqiptarëve sa llogaritë që bëjnë nongratat, spiunët dhe topat e mediave të baltës, unë do të isha thjesht njëri prej tyre, po nuk kam asgjë të përbashkët me ta që më ngatërrojnë me veten dhe me charter-at e tyre! Avioni që unë përdor për udhëtime pune nuk është një charter komercial, po një avion për të cilin jam akuzuar edhe më parë nga të njëjtët delenxhinj dhe i kemi dhënë të plota faktet se pse dhe si konkretisht bëhet fjalë për shpenzime brenda buxhetit të gjithëhershëm të qeverisë! Sot nuk kam ndërmend të risqaroj të njëjtën akuzë, për të cilën kush dëshiron mund t’i referohet sqarimeve të mëparshme, ndërkohë që qeveria iraniane dhe opozitarianianët shqiptarë e këndojnë atë njëzëri! Çfarë neverie!,"-tha Edi Rama.

Sot kanë dalë të gjitha të dhënat që janë marrë nga sistemi TIMS ku janë shënuar hyrjet dhe daljet e kryeministrit. Tani mbizotërojnë fluturimet me "CHARTER - 0000" me kategorinë -DIPLOMATIKE. Gjithsej, numërohet jo pak, por 137 fluturime me charter. 

edi rama fluturimet e rames me charter

Sondazh

Poll

MË SHUMË