Politike

Marrëveshja me PL/ Berisha: Historike, Veliajn do ta arkivojmë tek plehrat e Sharrës, 'zonja hije' qëndron në krye të 'parlamentit të Tiranës'

Berisha tha se futja në garën e zgjedhjeve lokale të Opozitës përmes primareve do të shënojë një kthesë të fuqishme për të ardhmen e Tiranës dhe të të gjithë qyteteve të tjera.

27 Tetor 2022, 12:27 Nga F.M
Marrëveshja me PL/ Berisha: Historike, Veliajn do ta arkivojmë tek
Sali Berisha

TIRANË- Kryedemokrati Sali Berisha e ka konsideruar historike marrëveshjen e firmosur me kreun e Partisë së Lirisë, Ilir Meta. Në konferencë me gazetarët, Berisha tha se futja në garën e zgjedhjeve lokale të Opozitës përmes primareve do të shënojë një kthesë të fuqishme për të ardhmen e Tiranës dhe të të gjithë qyteteve të tjera. Kreu i Partisë Demokratike tha gjithashtu se do të mbështesin të gjithë emrat që do të dalin nga Primaret për të bërë të mundur atë që ai në mënyrë figurative e quajti 'arkivimin e kryebashkiakut Erion Veliajt tek plehrat e Sharrës'. 

Fjala e Berishës: 

Ky moment shënon marrëveshjen për fitoren e sigurtë të opozitës në Tiranë dhe Shqipëri. Ky moment çel rrugën, për t’u dhënë qytetarëve të Tiranës, qytetarin e parë, që ata meritojnë, që pasquron vlerat, shpirtin, virtytet dhe moralin e tyre, dhe një lloj për ët gjitha qytetet e Shqipërisë. Për t’i dhënë Tiranës dhe qyteteve të vendit, parlamentet e vërteta të qytetarëve, përfaqësuesit dinjitozë të qytetarëve, për t’i dhënë Tiranës, një parlament të fuqishëm, të kryesuar nga qytetarë dhe politikanë të sprovuar në mbrojtje të interesave të qytetarëve të Tiranës. Por, me fjalë të tjera, për të arkivuar në mënyrë figurative, në plehrat e Sharrës, figurën më obskure që ka drejtuar Bashkinë e Tiranës që nga shpallja kryeqytet, deri më sot, Erion Velinë, i cili në çdo shtet ligjor, me çdo ligj, i takon të jetë në qeli dhe jo në garë elektorale. Me vjedhjet e tij monstruoze, me mashtrimet që u ka bërë qytetarëve të Tiranës dhe shndërrimin e Tiranës në një nga 10 qytetet më të pista të botë, të klasifikuar së fundmi nëpërmjet ndërtimeve me katet pa leje, me dendësinë e popullatës, me shndërrimin e kryeqytetit në qytetin me pozicionin e 250-të në shërbimin shëndetësor, Erion Velia ka qindra motive të shkojë aty ku e ka vendin. Jam i bindur se qytetarët e Tiranës do flasin për të gjitha këto dhe do godasin direkt edhe protezhenë e Erion Veliajt, Edi Ramën. Nuk mund të lë pa thënë dy fjalë për parlamentin inekzistent të Tiranës, që drejtohet nga një zonjë Rovena Hije. Për të, qytetarët nuk ekzistojnë. Nuk e ka dëgjuar kush kurrë të mbrojë një interes të vetëm. Ajo sikur është binjake me hijen. Tirana me 800 mijë banorë, më e madhe se disa shtete të Europës, do ketë parlamentin e vet të fuqishëm.
Marrëveshja është historike sepse me primaret do marrë fund kryetarokracia. Zotin Meta e kam garantuar se do përkrahim nismën referendare. Referendumi mbetet ndoshta mjeti më kryesor për të shëruar, për të rikthyer demokracinë në Shqipëri, e cila është në agoni të plotë dhe ka zbritur nën nivelet e Kirgistanit. Edhe njëherë e konsideroj historike këtë marrëveshje, pasi do të shënojë fillimin e fundit të regjimit absolutar të Edi Ramës dhe Erion Velisë.

sali berisha ilir meta pakti pd-pl zgjedhjet lokale 2023

Sondazh

Poll

MË SHUMË