Aktualitet

U gjet e mbështjellë me batanije, 35-vjeçarja dyshohet se është vrarë dy ditë më parë nga burri shqiptar

Zbulimi i trupit të pajetë të 35-vjeçares rumune është bërë të dielën pasdite por në ekspertizën paraprake dyshohet se ajo mund të ketë vdekur të shtunën.

24 Tetor 2022, 10:53 Nga d.a.

U gjet e mbështjellë me batanije, 35-vjeçarja dyshohet se

ITALI- Alexandra Elena Mocanu është gjendur e vdekur dhe e mbështjellë me batanije në dhomën e saj të gjumit nga policia në Bolzano. Autor i ngjarjes mendohet të jetë bashkëshorti i saj shqiptar Avni Mecje, i cili aktualisht ndodhet në arrati.

Sipas mediave vendase, zbulimi i trupit të pajetë të 35-vjeçares rumune është bërë të dielën pasdite por në ekspertizën paraprake dyshohet se ajo mund të ketë vdekur të shtunën.

Kjo histori ka tronditur komunitetin dhe lagjen rezidenciale të qendrës historike të Bolzanos ku agjentët po hetojnë për të kuptuar arsyet që kanë shtyrë 42-vjeçarin shqiptar drejt krimit të rëndë.

Ende po vijojnë edhe analizat brenda shtëpisë për të hetuar rrethanat e ngjarjes tragjike, ndërkohë prokurori i çështjes ka urdhëruar kryerjen e autopsisë në trupin e pajetë të 35-vjeçares. Rezultatet do të përcaktojnë shkakun e saktë të vdekjes dhe do të ndihmojnë forcat e rendit për të rindërtuar dinamikën e asaj që ndodhi.

Pasi vëllai i burrit dha alarmin, zjarrfikësit dhe autoritetet hapën derën e banesës dhe bënë zbulimin tronditës dhe ende nuk ka detaje mbi modalitetet e krimit dhe shkaqet e vdekjes, hetuesit po ruajnë konfidencialitetin maksimal.

alexandra elena mocanu avni mecje

Sondazh

Poll

MË SHUMË