Aktualitet

Dyshohet se ishte xheloz, flasin fqinjët e shqiptarit që vrau gruan në Itali: Ata grindeshin shpesh

Alarmin e dhanë disa fqinjë në pallatin ku banonte çifti pasi kishin dëgjuar zhurma dhe ulërima që vinin nga apartamenti i tyre.

24 Tetor 2022, 10:31 Nga d.a.
Dyshohet se ishte xheloz, flasin fqinjët e shqiptarit që vrau gruan
Alexandra Elena Mocanu

ITALI- Detaje të reja kanë dalë në dritë pas krimit të rëndë të ndodhur në Bolzano të Italisë ku 42-vjeçari shqiptar Avni Mecje ka vrarë bashkëshorten e tij rumune Alexandra Elena Mocanu.

Sipas mediave vendase, alarmin e dhanë disa fqinjë në pallatin ku banonte çifti pasi kishin dëgjuar zhurma dhe ulërima që vinin nga apartamenti i tyre.

Në dëshmitë e para të fqinjëve ata u shprehën se çifti grindej vazhdimisht dhe shkaku kryesor mendohet të ishte xhelozia e shqiptarit nga gruas së tij 35-vjeçare. Ndërkohë nga ana e policisë nuk ka patur asnjë ankesë apo denoncim as nga fqinjët dhe as nga çifti.

Pas njoftimit që mori nga disa familjarë të Mecjes, policia shkoi menjëherë në vendngjarje ku dhe gjeti trupin e pajetë të Mocanu të mbuluar me batanije.

 

alexandra elena mocanu avni mecje

Sondazh

Poll