Sport

Mesazhi i Mathias Pogba për vëllain e tij Paul: "Më telefononi menjëherë, ndryshe do të pendoheni për gjithë jetën"...

Gazeta ‘Le Monde’ publikon detaje të reja nga tentativa për zhvatje ndaj mesfushorit të Juventusit

21 Tetor 2022, 17:28 Nga DOSJA
Mesazhi i Mathias Pogba për vëllain e tij Paul: "Më
Paul Pogba, në një ndeshje me kombëtaren franceze

FRANCE - Çështja e zhvatjes së Paul Pogba vazhdon të jetë në qendër të diskutimeve. Gazeta ‘Le Monde’ publikon këtë të premte lajmin se Mathias Pogba i ka lënë një mesazh zanor vëllait të tij Paul, duke i thënë se jeta e tij ishte në rrezik.

Mathias Pogba pretendon se shtëpia e tij është thyer më 30 korrik nga dy burra me kapuç. Sipas ‘Le Monde’, këta dy burra i thanë Mathias që t'i kujtonte vëllait "angazhimet e tij", duke iu referuar parave që po i kërkonin Paulit.

"Më telefononi menjëherë, nxitoni, përndryshe do të pendoheni për pjesën tjetër të jetës tuaj,"- i tha Mathias vëllait të tij Paul. Lojtari i Juventusit i tha policisë, se një bandë e kërcënonte dhe i kërkonte rreth 13 milionë dollarë. Vëllai i tij Mathias, 32 vjeç, u akuzua dhe u arrestua muajin e kaluar për përfshirje në komplotin e dyshuar për zhvatjen e parave nga vëllai i tij. Edhe katër persona të tjerë u hetuan zyrtarisht.

Gjithçka filloi kur Mathias regjistroi disa video, në të cilat dëgjohet duke thënë se do të bënte një sërë zbulimesh të mëdha, duke përfshirë se Paul punësoi një shtrigë për të magjepsur shokun e tij të skuadrës në skuadrën franceze, Kylian Mbappe. Mathias këmbëngul se është i pafajshëm dhe se dy persona të maskuar, i kanë bërë presion për t'i regjistruar videot.

B.T (Dosja.al)

Sondazh

Poll

MË SHUMË