Sport

"Injektoi panik në mbrojtjen e Brentford", zbulohet si e kanë vlerësuar mediat paraqitjen e Brojës

Armando Broja ishte titullar në sfidën Brentford-Chelsea e vlefshme për javën e 12-të të Premier League, por nuk mundi të bënte diferencë të madhe, pasi sfida u mbyll me barazim pa gola

20 Tetor 2022, 16:42 Nga DOSJA

"Injektoi panik në mbrojtjen e Brentford", zbulohet si e

ANGLI- Armando Broja ishte titullar në sfidën Brentford-Chelsea e vlefshme për javën e 12-të të Premier League, por nuk mundi të bënte diferencë të madhe, pasi sfida u mbyll me barazim pa gola.Sulmuesi shqiptar luajti për 62 minuta, ndërsa “blutë” e Londrës dominuan vetëm në fraksionin e parë, pasi në pjesën e dytë sfida ishte disi e balancuar.

Broja tentoi të gjente rrugën drejt rrjetës në disa raste, megjithatë shqiptari ishte i pafat dhe në minutën e 62’ trajneri Potter vendosi ta zëvendësonte me Sterling. Tabloidi ‘The Sun’ e ka vlerësuar paraqitjen e Brojës me notën 6, ndërsa për të shkruhej: “Pas një fillimi të dobët, shqiptari u fut në lojë dhe tregoi pse ritmi dhe fuqia e tij mund të shkaktojnë probleme.E kaloi Ben Mee dy herë, ndërsa besimi i tij u rrit, por ndeshja e tij e parë përfundoi herët, por ai dukej shumë më i rrezikshëm se Havertz." Ishte përshkrimi për Brojën.

Sport Bible i jep notën 7 sulmuesit shqiptar. "Ai tregoi këmbëngulje në fazën e sulmit, duke rikuperuar topin lart në fuhë dhe duke injektuar panik në repartin e mbrojtjes të Brentford. Të shënojë kërkon përmirësim, por sipas Sport Bible do të vijë me kalimin e kohës." Pas këtij takimi Brentford renditet në vend të 9-të me 14 pikë, teksa Chelsea në vend të 4-ët me 20 pikë.

E.Ç (Dosja.al)

broja chelsea brentford

Sondazh

Poll

MË SHUMË