Sport

Ten Hag i vendosur për Ronaldon: "Asnjë lojtar nuk është i lumtur që zëvendësohet"

Teksa Manchester United përballet me Tottenham të mërkurën (21:15), qëndrimi i Cristiano Ronaldos u diskutua sërish gjatë konferencës për shtyp nga trajneri holandez i “Djajve të Kuq”.

19 Tetor 2022, 15:48 Nga DOSJA

Ten Hag i vendosur për Ronaldon: "Asnjë lojtar nuk

ANGLI - I zëvendësuar nga Marcus Rashford në minutën e 79-të të ndeshjes kundër Newcastle të shtunën (0-0), Cristiano Ronaldo nuk e fshehu pakënaqësinë e tij kur u ngjit në tribunë. I pyetur për këtë temë, Erik ten Hag nuk dëshironte të nxiste polemika. 

“Asnjë lojtar nuk është i lumtur që zëvendësohet”,- shpjegoi trajneri i Manchester United, në një konferencë për shtyp para ndeshjes kundër Tottenhamit të mërkurën (21:15). “Aq më pak Cristiano Ronaldo. Për sa kohë (qëndrimi i tij) mbetet normal, nuk ka asnjë problem. Ai mendon se duhet të kishte qëndruar në fushë dhe të shënonte. Kjo është edhe arsyeja pse ai është kaq i mërzitur”.

Megjithatë, vendimi për zëvendësimin e yllit portugez ngjalli habi në mediat angleze. Por tekniku holandez e kishte justifikuar zgjedhjen e tij me nevojën e rotacionit të lojtarëve.

"Ne kemi katër ndeshje në dhjetë ditë dhe unë absolutisht dua t'i mbaj të freskët sulmuesit e mi... Edhe nëse Rashford nuk do të kishte kapacitetin për të luajtur të gjithë ndeshjen, mendova se ai mund të kishte një ndikim, duke e sjellë atë në fund të ndeshjes. Ne duhet të planifikojmë gjithçka dhe nëse ai do të kishte shënuar, gjithçka do të ishte perfekte”.

B.T (Dosja.al)

 

Sondazh

Poll

Sport 19 Tetor 2022, 12:38

Elbasanit i "kthehet" futbolli…

ELBASAN - Problemet e mëdha financiare të skuadrës historike të futbollit shqiptar të Elbasanit, fitues i dy titujve kampion, dy Kupa...

MË SHUMË