Politike

NGA DO T'IA NISTE? Përflitet si kandidat i opozitës, Alimehmeti tregon "pikat e dobëta" të Tiranës: Trafiku e ndërtimet

I pyetur me ngulm nga moderatori, Ylli Rakipi në lidhje me një memorandum të mundshëm për ndërtimet në kryeqytet, Alihmehmeti nuk dha një përgjigje të prerë pasi sipas tij ai nuk është kandidati zyrtar, në një moment tjetër ai tha se do të përgjigjet për këtë dhe do ketë një plan konkret.

17 Tetor 2022, 22:32 Nga e.k
NGA DO T'IA NISTE? Përflitet si kandidat i opozitës, Alimehmeti
Ilir Alimehmeti

TIRANË- Mjeku Ilir Alimehmeti, i cili është një nga kandidatë e përfolur nga ana e opozitës për të kandiduar për Bashkinë e Tiranës ka treguar dhe "pikat e dobëta" të kryeqytetit ku sipas tij duhet dhe një ndërhyrje urgjente. 

Duke folur në emisionin "Të Paekzpozuarit" ai u shpreh se një nga problemet kryesore janë ndërtimet dhe trafiku. Ai tha se ndërtimet kanë betonizuar kryeqytetin ndërsa shtoi se trafiku është një problem serioz pasi shkakton dhe smog. I pyetur me ngulm nga moderatori, Ylli Rakipi në lidhje me një memorandum të mundshëm për ndërtimet në kryeqytet, Alihmehmeti nuk dha një përgjigje të prerë pasi sipas tij ai nuk është kandidati zyrtar, në një moment tjetër ai tha se do të përgjigjet për këtë dhe do ketë një plan konkret.

Ilr Alimehmeti: Tirana vuan nga një sëmundje, ndërtimet. Nuk është problemi që vetëm është ndërtuar por janë bërë dhe ngjit e ngjit. Ka dhe një sëmundje tjetër, qarkullimi, 3 km të duhet gjysmë orë, 240 lekë çmimi i naftë, krijon dhe smog. Pyesni një nënë me fëmijë që detyrohet të kalojë në rrugë se trotuaret janë të zënë. Ka nevojë mos të vjedhesh, mos të shitesh, të mendosh për qytetarët. Ka dhe fusha të tjera kur mund të hapet. Ju thatë që sdolën njerëzit të mbronin teatrin, kur ndodhi, në kohë pandemie, njerëzit kishin frikë të dilnin nga shtëpitë.

Ylli Rakipi: A do vendosni memorandum për ndërtimet?

Ilir Alimehmeti: Nuk e them se nuk ka një kandidat zyrtar. Gjërat e bëra para kohe, nuk mund të përgjigjesh se ky ishte trendi në këtë moment.

Ilir Alimehmeti është një nga emrat e lakuar si kandidat i mundshëm i Opozitës për Bashkinë e Tiranës. Dosja.al bëri një sondazh dhe Alimehmeti ishte një prej alternativave të listuara. Ai doli me 60% të votave duke lënë pas deputetin e PD Belind Këlliçin me 19% të votave. Ndërkohë Julian Deda rënditej me 11% të votave ndërsa Gerti Bogdani kishte marrë 10% të votave të qytetarëve që votuan në sondazh.

ilir alimehmeti

Sondazh

Poll

MË SHUMË