Sport

‘El Clasico’ nëpërmjet shifrave: 184 sfida në La Liga... dhe 295 gola për çdo skuadër!

Real Madrid kryeson në fitore (76-73), pasi Barcelona barazoi në sezonin 2028-2019

13 Tetor 2022, 18:55 Nga DOSJA
‘El Clasico’ nëpërmjet shifrave: 184 sfida në La
Aubameyang (Barcelona), autori i golit të fundit në një ‘El Classico’

SPANJE - Real Madrid dhe Barcelona e kanë rivalitetin e tyre pothuajse në barazi pas 184 sfidave të tyre në La Liga, që kanë luajtur që nga përballja e tyre e parë, më 17 shkurt 1929, ku Madridi fitoi 1-2 si mysafir.

Që atëherë, edhe pse në kthim fituan katalanët, Barcelona asnjëherë nuk arriti t'i nënshtrojë madrilènët në total, ndonëse ata arritën t'i barazojnë sa i përket numrit të fitoreve. Real Madrid filloi të shndërrohej në një makth për Barcelonën, e cila arriti të shohë një diferencë prej 19 fitoresh (40-21) në fund të sezonit 1964-65. 

Megjithatë, ajo fitore 1-2 në ‘Camp Nou’, atëherë filloi rikthimi i katalanasve, fillimisht pa probleme dhe tashmë në dekadën e viteve nëntëdhjetë në mënyrë më të theksuar. Me durim dhe rezultate të mira, Barcelona arriti barazimin e numrit të fitoreve në 72, pas triumfit 0-1 në fazën e dytë të sezonit 2018-19, falë golit të Rakitic.

Megjithatë, lojtarët e Barcelonës nuk mundën ta ruajnë barazpeshën dhe Real Madridi rifitoi epërsinë me katër fitore radhazi, para fitores së fundit të Barcelonës, duke e çuar bilancin në 76-73, para ndeshjes të së dielës së 16 tetorit, në orën 16:15 në ‘Bernabeu’.

Por është në sulm, ekuilibri është absolut. Pas 93 vitesh sfidash, të dyja skuadrat kanë festuar të njëjtin numër golash: nga 295 secila, me nuancën e vetme, që janë shënuar 10 gola më shumë në fushën e Madridit (300) sesa në atë të Barcelonës (290).

B.T (Dosja.al)

Sondazh

Poll

MË SHUMË