Bota

"Ne u dërguam në front pa stërvitje", Rusia në kërkim të ushtarëve edhe mes të pastrehëve

Zyrtarët rusë në Moskë kanë marrë burra që prisnin në radhë për shpërndarjen e ushqimit nga organizatat joqeveritare, ndërsa e njëjta gjë ka ndodhur në bujtinat që strehojnë emigrantë dhe në vendet ku muzikantët bëjnë prova.

13 Tetor 2022, 12:12 Nga d.a.
"Ne u dërguam në front pa stërvitje", Rusia në
ushtar

RUSI- Vështirësitë shumë të mëdha që arrijnë në pikën e dëshpërimit për rekrutimin e ushtarëve në Rusi janë shënuar në një raport të faqes së pavarur të internetit Mediazona. Në raportin, i cili përmban edhe dëshmi, përshkruhet se ushtria ruse ka arritur deri në atë pikë që të kërkojë rekrut edhe mes të pastrehëve!

Sipas Skynews, zyrtarët rusë në Moskë kanë marrë burra që prisnin në radhë për shpërndarjen e ushqimit nga organizatat joqeveritare, ndërsa e njëjta gjë ka ndodhur në bujtinat që strehojnë emigrantë dhe në vendet ku muzikantët bëjnë prova.

Një i pastrehë i cili foli për faqen ruse pretendoi se ata u futën në autobusë në grupe prej 20-25 personash, u dërguan në komisariatet e policisë, ku u mbajtë ata nën moshën 45 vjeç.

"Në autobus ishin dy oficerë policie dhe dy "blerës", dy punonjës të zyrës së rekrutimit që është hapur në oborrin e muzeut të Moskës," tha i pastrehu që u largua sepse ishte 60 vjeç. 

Gratë e pastreha përshkruan, në fakt, se ky imazh u regjistrua për të paktën tre ditë rresht. Ankuesit e tjerë pohuan se edhe pse nuk është përdorur dhunë fizike, oficerët rusë kanë përdorur kërcënime.

"Nëse nuk i firmosnim letrat do të kishte një lloj dënimi. Ata na dërguan në front pasi qëlluan vetëm një herë"-tha një tjetër.

Në të njëjtën kohë, një video e postuar në një kanal rus në Telegram regjistron situatën e keqe të përjetuar nga ushtarët rusë në Ukrainë. Në video ushtarët pretendojnë se janë ndër grupet e fundit të rekrutëve në rajonin Svyatovo të Lugansk.

Ushtarët dëgjohen duke u ankuar se ata u larguan nga Moska 11 ditë para videos në fjalë dhe kishin qëlluar vetëm një herë përpara se të dërgoheshin në vijën e frontit.

lufta ukraine-rusi mobilizimi i ushtrise ruse

Sondazh

Poll

MË SHUMË