Sport

Fitoi penalltinë, Mount tregohet i sinqertë: "Nuk duhej ai karton i kuq, ndjeva mërzinë e mikut tim Fikayo"

Mason Mount, në faqen zyrtate të Chelsea ka komentuar episodin e diskutueshëm të penalltisë dhe kartonit të kuq të Tomorit.

12 Tetor 2022, 18:06 Nga DOSJA

Fitoi penalltinë, Mount tregohet i sinqertë: "Nuk duhej ai karton

ITALI- Mason Mount, në faqen zyrtate të Chelsea ka komentuar episodin e diskutueshëm të penalltisë dhe kartonit të kuq të Tomorit. “Natyrisht që është shok skuadre i imi, Fikun e njoh prej kohësh dhe më erdhi keq për të. Nuk mendoj duhej përjashtuar nga ndeshja. A ishte penallti? Ndoshta po", rrëfeu sulmuesi anglez.

"Doja të provoja të shënoja dhe ai më tërhoqi pak, por më vjen keq për atë vendim. Isha pak i befasuar në atë moment sepse e kalova dhe u përpoqa të shënoja. Ishte e vështirë ta shihja atë të përjashtuar."

Vendimi i gjyqtarit Siebert prishi një mbrëmje të bukur futbolli dhe la një shije të keqe për trajnerin e Milanit, Stefano Pioli. Deklaratat e Mount pas ndeshjes vetëm konfirmojnë dyshimet për vendimin e arbitrit gjerman. “Gjithmonë dëshiron të luash 11 me 11 kur ka këto ndeshje, kështu që ndoshta e ka prishur pak ndeshjen”, shtoi sulmuesi i Chelseat. “Ishte e rëndësishme për ne dhe sigurisht ne donim ta fitonim ndeshjen, gjë që ia dolëm, por më vjen shumë keq për Tomorin”.

E.Ç (Dosja.al)

mount tomori milan chelsea

Sondazh

Poll

MË SHUMË