Sport

Kampioni i botës që humbi veten nga droga: "Kam bërë gjëra të panevojshme, kam vjedhur, madje kam qenë edhe bandit"…

Mayonga ka vuajtur disa probleme me anti-dopingun për shkak të varësisë së tij të deklaruar ndaj ‘tik’-ut, një variant i metamfetaminës kristal, që e detyroi të shkonte në një program rehabilitimi një muaj para Kupës së Botës 2017 në Londër, në të cilin fitoi medaljen e artë.

11 Tetor 2022, 09:23 Nga DOSJA

Kampioni i botës që humbi veten nga droga: "Kam bërë

AFRIKA E JUGUT - Atleti i Afrikës së Jugut, Luvo Manyonga, kampion bote (ari në 2017) dhe medalist olimpik (argjendi në 2016) në kërcimin së gjati, është gjetur nga BBC, pavarësisht se nuk ka agjent, nuk ka telefon, jeton në një adresë të panjohur, nuk përdor rrjetet sociale dhe nuk ka email.

Mayonga ka vuajtur disa probleme me anti-dopingun për shkak të varësisë së tij të deklaruar ndaj ‘tik’-ut, një variant i metamfetaminës kristal, që e detyroi të shkonte në një program rehabilitimi një muaj para Kupës së Botës 2017 në Londër, në të cilin fitoi medaljen e artë.

Manyonga tregon edhe se si iu rikthye përdorimit të drogës: "Pasi humba nënën time (2020), gjërat shkuan përpjetë për mua, a e kupton? Nuk e vajtova nënën time, e mora shumë lehtë dhe duke parë prapa, po përdorja drogë për të mos ndjerë dhimbjen. Thjesht doja të mpija veten, deri në atë pikë sa nuk e dija se çfarë date ishte."

Pas dy vitesh varësie, Mayonga shpjegon përsëri për BBC se "ai mund ta kishte humbur lehtësisht jetën. Ai po bënte të gjitha llojet e gjërave të çmendura. Nuk do të doja t'i përmendja të gjitha, por bëra disa nga ato gjëra, që të droguarit bëjnë si vjedhja, hyrja nëpër shtëpi...”,- ka pranuar Mike Henson Luvo Manyonga.

Kampioni i botës që humbi veten nga droga: "Kam bërë

Manyonga, i cili ka marrë disa pezullime nga Federata Ndërkombëtare e Atletikës (IAAF) që nga viti 2012, për përdorim të drogave, që e kanë lënë jashtë pistës për më shumë se pesë vjet, mund të kthehet në gara në dhjetor 2024.

"E kuptoj pezullimin tim. Ishte si një thirrje zgjimi për të gjithë ata që varen nga droga. Gjërat kanë qenë të vështira, nuk po gënjej. Por unë jam një djalë i fortë. Ky është realiteti im dhe unë nuk i shpëtoj dot, a e kuptoni?”,- thotë atleti 33-vjeçar.

"Ka ende një shans që Luvo të kthehet. E vetmja gjë që duhet të bëj tani është të gjej Luvon. Jo kampionin e botës, jo të droguarin Luvo. Nëse mund ta gjej atë person, gjërat do të bien në vend,"- thotë Manyonga, duke e lënë të hapur derën për rikthimin e tij të mundshëm në atletikë.

B.T (Dosja.al)

Sondazh

Poll

MË SHUMË