Aktualitet

FOTO- U arrestua nga Policia! Ky është Fatjon Murati, i shumëkërkuari që u kap në makinë me Doklen

Murati është i vetmi që është mbajtur në qeli për veprën penale për të cilën kërkohej, armëmbajtje pa leje.

9 Tetor 2022, 12:14 Nga A.B
FOTO- U arrestua nga Policia! Ky është Fatjon Murati, i
Fatjon Murati

FOTO- Personi në foto është Fatjon Murati, i cili u arrestua mbrëmjen e djeshme nga policia e Tiranës. Ai rezultonte i shpallur në kërkim policor, ndërsa në makinë lëvizte bashkë me Endrit Doklen.  

Dokle u ndalua pasi po lëvizte në mjet me Fatjon Muratin, i cili ishte në kërkim nga policia për armëmbajtje pa leje, teksa Gentjan Reçi ishte shofer. Fatjon Murati është i vetmi që është mbajtur në qeli për veprën penale për të cilën kërkohej, armëmbajtje pa leje.

Kush është Fatjon Murati?

Murati ishte i shpallur në kërkim nga policia, pasi emri i tij doli në masakrën me tre të vrarë në Fushë-Krujë. Murati ka qenë një nga personazhet që është kërkuar nga Prokuroria e Kurbinit për t’u marrë në pyetje.

Prokuroria e Krujës kërkoi marrjen në pyetje të disa personave në lidhje me atentatin e ndodhur në zonën e njohur si mbikalimi i Fushë Krujës, ku mbetën të vrarë tre të rinjtë Brilant Martinaj, Besmir Hoxha dhe Dikler Vata. Mes emrave që kërkon organi i akuzës të pyeten ishin Gentian Reçi, djali i ish-policit të vrarë Xhelal Reçi, numri dy i bandës së Durrësit Endrit Dokle, në lidhje krushqie me ish-policin e vrarë, dhe nipi i deputetit socialist Rrahman Rraja, Ramazan Rraja.

Masakra e Fushë Krujës ndodhi më 17 korrik. Mbetën të vrarë Besmir Hoxha, Brilant Martinaj dhe Dikler Vata. Disa persona kanë ekzekutuar në mënyrë makabre 3 të rinjtë duke djegur edhe makinën ku ata po udhëtonin. Edhe pse ka një listë me të dyshuar, sërish nuk ka asnjë të arrestuar për ngjarjen në fjalë.

fatjon murati endrit dokle

Sondazh

Poll

MË SHUMË