Aktualitet

“Nuk kam asnjë përjetim”/ Kadare për shpalljen e ‘Nobelit’ në Letërsi, Helena: S'e njoh Annie Ernaux, s'e paskam dëgjuar kurrë

Ndërkohë bashkëshortja e tij, Helena Kadare u shpreh se shkrimtaren që fitoi Nobelin nuk e njohin, madje nuk kanë dëgjuar edhe pse prej shumë vitesh jetojnë në Francë.

6 Tetor 2022, 13:49 Nga k.m.
“Nuk kam asnjë përjetim”/ Kadare për shpalljen e
Helena dhe Ismail Kadare

TIRANË- Shkrimtarja franceze Annie Ernaux fitoi çmimin ‘Nobel’ në letërsi. Euronews Albania ndoqi ‘live’ reagimin e shkrimtarit kombëtar shqiptar, Ismail Kadare, i cili e ka ndjekur ceremoninë e ndarjes së çmimit Nobel, i ulur në një nga lokalet në zonën e Liqenit Artificial në Tiranë me bashkëshorten dhe miqtë e tij. I pyetur nëse ishte zhgënjyer që përsëri nuk kishte mundur të fitonte këtë çmim, Kadare u përgjigj se nuk kishte asnjë lloj përjetimi.

“Siç e shikoni nuk kam ndonjë përjetim. 40 vjet më parë edhe mund të kisha,”- tha Kadare.

Ndërkohë bashkëshortja e tij, Helena Kadare u shpreh se shkrimtaren që fitoi Nobelin nuk e njohin, madje nuk kanë dëgjuar edhe pse prej shumë vitesh jetojnë në Francë.

“Nuk e njohim shkrimtaren që fitoi Nobelin, edhe pse jetojmë në Francë. S’e kam dëgjuar kurrë, për të njohur jo se jo, por nuk e kam dëgjuar as si emër. Derisa në Nobel është e njëjta juri dhe ka thënë jo 40 vjet, nuk ke pse ta ndryshosh mendimin”, u shpreh shkrimtarja Helena Kadare.

Çmimi Nobel në Letërsi për vitin 2022 i jepet shkrimtares Ani Ernaux. Ky çmimi i është dhënë shkrimtares franceze “për guximin dhe mprehtësinë klinike me të cilën ajo zbulon rrënjët, veçimet dhe kufizimet kolektive të kujtesës personale”.

ismail kadare helena kadare

Sondazh

Poll

MË SHUMË