Aktualitet

Partia e Lirisë publikon fotot nga Fllaka në Durrës: E mbytur me mbeturina! Abuzim me fondet publike

Sipas Partisë së Lirisë, kamionët zbrazin natën mbeturina dhe 120 familje aty pranë janë të detyruar të përballen me erën e plehrave.

3 Tetor 2022, 16:46 Nga k.m.
Partia e Lirisë publikon fotot nga Fllaka në Durrës: E mbytur me
Foto nga mbeturinat në Fllakë të Durrësit

TIRANË- Kreu i Partisë së Lirisë, Ilir Meta ka bërë ditën e sotme një denoncim lidhur me mbeturinat në zonën e Fllakës në Durrës. Lideri i PL-së, Ilir Meta ka publikuar disa foto nga zona e mbushur me mbeturina duke akuzuar se Njësina Administrative Rrashbull dhe Bashkia e Durrësit nuk e kanë bërë pastrimin e tyre dhe as nuk vendosin kosha plehrash. 

Sipas Partisë së Lirisë, kamionët zbrazin natën mbeturina dhe 120 familje aty pranë janë të detyruar të përballen me erën e plehrave.

“Kjo është pamja skandaloze plehrave në zonën e Fllakës, mes Durrësit dhe Tiranës ku banojnë rreth 120 familje të cilët janë të detyruar të përballen çdo ditë para shtëpive të tyre, me këtë pamje te tmerrshme dhe erën mbytëse! Këtu zbrazen kamionët e plehrave natën dhe Njësia Administrative Rrashbull e Bashkia Durrës nuk bën pastrimin e tyre, nuk vendos kosha të mbeturinave edhe pse banorët paguajnë rregullisht taksat! Kjo situatë alarmante nuk ka vëmendjen e pushtetit vendor, i cili çdo ditë bën tendera miliona lekë me paratë e qytetarëve te Durrësit,”- shkruan Partia e Lirisë.

Ndër të tjera, Meta shkruan se kapja e pushtetit vendor nga Edi Rama ka sjellë mungesë të llogaridhënies nga Bashkitë dhe abuzim me fondet publike.

POSTIMI I PLOTË:

fllake durres

Sondazh

Poll

MË SHUMË