Politike

Anëtarët jo prokurorë të bëhen gjyqtarë Apeli/ Propozimi i KLP, Manja: Po e shqyrtojmë

Manja u shpreh se mbështesin çdo lloj ndryshimi ligjor që i jep frymëmarrje sistemit të drejtësisë.

3 Tetor 2022, 11:42 Nga A.B
Anëtarët jo prokurorë të bëhen gjyqtarë Apeli/
Ulsi Manja

TIRANË- Ministri i Drejtësisë, Ulsi Manja deklaroi ditën e sotme se janë të hapur për çdo lloj propozimi të Këshillit të Lartë të Prokurorisë. Për 'Report tv', Manja u shpreh se mbështesin çdo lloj ndryshimi ligjor që i jep frymëmarrje sistemit të drejtësisë. Ndër të tjera, ai deklaroi se ky propozim do të shqyrtohet në Komisionin e Ligjeve.

"Ndryshimet ligjore tashmë janë në proces në Komisionin e Ligjeve. Është ngritur grupi i punës dhe shumë shpejt do të kemi dhe një adresim. Në mbështesim çdo ndryshim ligjor që i jep frymëmarrje”, tha Manja. 

Këshilli i Lartë i Prokurorisë kërkoi shkurtimin e viteve të formimit fillestar për tu bërë magjistrat apo edhe masa të tjera që kërkojnë ndryshime të rëndësishme ligjore dhe kushtetuese. Këto masa, sipas KLP-së, u morën për të ndihmuar sa më shumë mundësi të jetë e mundur për të zhbërë problemin shumë madhor të vakancave të krijuara në sistemin e drejtësisë.

Këshilli i Lartë i Prokurorisë ka miratuar një draft me propozime konkrete për të zgjidhur problematikën për këto çështje në sistemin e drejtësisë. Në draftin e publikuar nga Report Tv, KLP kërkon që magjistratët të bëjnë 2 vite shkollë e të futen në punë me vitin e 3, praktikë e paguar. Këtë iniciativë për reduktimin në periudhë trazitore të magjistraturës nga 3 në dy vite e ka deklaruar në intervistën e tij te parë kreu i Këshillit të Lartë të Prokurorisë Alfred Balla. Një tjetër ndryshim i kërkuar është edhe e drejta e anëtarëve jo magjistratë të KLP për tu bëre pjesë e sistemit të drejtësisë. 

ulsi manja klp magjistratet

Sondazh

Poll

MË SHUMË