Sport

Çmenduri në Kupën e Kilit, fishekzjarri bie mbi portierin dhe e shurdhon: derbi pezullohet pas vetëm 6 minutash (video)

Derbi i kthimit mes Universidad de Chile dhe Universidad Católica për Kupën e Kilit zgjati vetëm gjashtë minuta, madje as koha për t'i lejuar lojtarët të futeshin në atmosferën e ndeshjes.

30 Shtator 2022, 16:43 Nga DOSJA

Çmenduri në Kupën e Kilit, fishekzjarri bie mbi portierin dhe e

KILI- Derbi i kthimit mes Universidad de Chile dhe Universidad Católica për Kupën e Kilit zgjati vetëm gjashtë minuta, madje as koha për t'i lejuar lojtarët të futeshin në atmosferën e ndeshjes. Gjithçka filloi pas 4 minutash kur vendasit kishin arritur të gjenin rrugën e golit, me Fernando Zampedrin. Një realizim që kishte barazuar shifrat pas ndeshjes së parë, e cila përfundoi 1-0 dhe një episod që ekzaltoi tifozët e Crusaders, të cilët filluan të festojnë duke e ekzagjeruar.

Një fishekzjarr u hodh pranë portierit të miqëve, Martín Parra, i cili u befasua nga shpërthimet e përsëritura, më pas përfundoi në tokë duke mbuluar fytyrën dhe veshët me doreza dhe duke mbetur i lënduar në fushë. E gjithë kjo ka sjellë ndërhyrjen e menjëhershme të stafit mjekësor që ka vendosur të kontrollojë gjendjen e tij klinike duke e transportuar në spitalin më të afërt.
Ndërkohë që Parra-s po i jepej ndihma e parë, nuk munguan as përleshja mes lojtarëve në fushë.

Polemikat vazhduan edhe pas ndeshjes, përmes rrjeteve sociale dhe ku u përfshi veçanërisht Mauricio Isla, i cili ishte ndër të parët që nuk e besoi portierin, duke e qortuar për sjellje josportive. Në fund, Isla e kuptoi edhe realitetin e situatës, duke kërkuar falje publike: "Dua të shpreh, përmes këtij mesazhi, një falje publike për veprimet e mia të djeshme. Kërkoj falje për të gjithë ata që janë ndjerë të prekur me veprimet e mia dhe i uroj Martinit shërim të shpejtë."

E.Ç (Dosja.al)

kili derbi martin parra

Sondazh

Poll

MË SHUMË