Sport

Për sigurinë në Botëror, Katari mobilizon të rinjtë për të kryer shërbimin e detyrueshëm ushtarak: “Është detyrë patriotike!"

Katari ka kërkuar nga qindra civilë dhe diplomatë të Katarit për të kryer shërbimin e detyrueshëm ushtarak për të forcuar sigurinë dhe logjistikën gjatë Kupës së Botës.

27 Shtator 2022, 15:52 Nga DOSJA

Për sigurinë në Botëror, Katari mobilizon të

KATAR - Sipas informacioneve të Reuters, Katari thirri qindra civilë dhe diplomatë të këtij vendi, që ktheheshin nga jashtë për të kryer shërbimin e detyrueshëm ushtarak në pikat e sigurisë të stadiumeve të Kupës së Botës, në fillim të shtatorit (20 nëntor - 18 dhjetor).

Rekrutët trajnohen për të menaxhuar radhët, për të kontrolluar tifozët dhe për të zbuluar kontrabandën, si alkooli, droga ose armët e fshehura në trup, veshjet e xhaketës, ose barqet e rreme, raportoi Reuters të marten, pas shqyrtimit të dokumenteve të trajnimit.

Është "detyrë patriotike" e civilëve që të përmbushet ky apel, tha një burim për Reuters. "Shumica e njerëzve janë atje sepse duhet, nuk duan të futen në telashe”. Refuzimi për ta bërë këtë mund të rezultojë me një vit burg dhe një gjobë prej 50.000 rialësh të Katarit (rreth 14.250 dollarë).

B.T (Dosja.al)

Sondazh

Poll

MË SHUMË