Sport

Befasuese! Louis Van Gaal që tani mendon dhe përgatitet për penalltitë në Botëror…

Trajneri i Holandës, do të testojë portierët e tij në një seancë stërvitore speciale me penallti të mërkurën përpara Kupës së Botës së ardhshme.

20 Shtator 2022, 07:18 Nga DOSJA

Befasuese! Louis Van Gaal që tani mendon dhe përgatitet për

HOLANDE - Louis Van Gaal ka përzgjedhur katër portierë për ndeshjet e Nations League në Poloni (22 shtator) dhe kundër Belgjikës (25 shtator). Nëse holandezi synon të përfundojë në krye të grupit të tij, ai po përgatitet edhe për Botërorin (20 nëntor-18 dhjetor). Kjo është arsyeja pse dy portierë të tjerë do t'i bashkohen Holandës të mërkurën për stërvitjen specifike të penalltive.

“Unë jam duke kërkuar për gjuajtësin më të mirë të penalltive dhe prandaj po testojmë të gjithë portierët,- shpjegoi Van Gaal në një konferencë për shtyp të hënën. - Unë jam gjithmonë në kërkim të përfitimeve të vogla dhe për këtë arsye i kushtoj vëmendje të veçantë kësaj çështjeje. Ne kemi parë në të kaluarën që gjuajtjet e penalltive luajnë një rol të madh në Kupën e Botës”.

Në të vërtetë, trajneri i Holandës u dallua gjatë Kupës së Botës 2014, duke ndryshuar portierët pak minuta para përfundimit të kohës shtesë në çerekfinale kundër Kosta Rikës në Brazil. Tim Krul bëri dy pritje gjatë gjuajtjes së penalltive për të siguruar kualifikimin e kombëtares së tij. Nëse ai do të autorizohej nga FIFA për të thirrur 26 lojtarë për Kupën e Botës, Louis Van Gaal do të përfshinte katër portierë në listën e tij.

B.T (Dosja.al)

Sondazh

Poll

MË SHUMË