Politike

Financimi rus i PD/ Berisha thirrje Bashës: Trego nga dolën 600 mijë euro! Demokratët duhet të bashkohen

Ai bëri thirrje që të gjithë demokratët të bashkohen, ndërsa Lulzim Bashës i kërkoi që të tregojë kush është e vërteta e financimit rus. Sipas Berishës kjo nuk duhet të përfshijë Partinë Demokratike pasi ai ishte vendim personqa i Lulzim Bashës.

19 Shtator 2022, 19:11 Nga e.k
Financimi rus i PD/ Berisha thirrje Bashës: Trego nga dolën 600
Sali Berisha

PUKË- Gjatë takimit me qytetarë të Pukës, kryetari i PD, Sali Berisha u ndal tek financimi rus i Partisë Demokratike. Sipas kryedemokratit, Rama mori peng për zverku Lulzim Bashën, pasi tha se kjo punë do të hetohet deri në fund.

Ai bëri thirrje që të gjithë demokratët të bashkohen, ndërsa Lulzim Bashës i kërkoi që të tregojë kush është e vërteta e financimit rus. Sipas Berishës kjo nuk duhet të përfshijë Partinë Demokratike pasi ai ishte vendim personqa i Lulzim Bashës.

"Rama më 3 mars 2018 shkruan se ky i ka futur duart në xhepat rusë dhe kjo punë do hetohet deri në fund. Si e hetoi, e mori peng për për zverku, në një akt të shëmtuar, anti demokratik dhe anti kombëtar. Tani ne të gjithë demokratët duhet të bashkohemi, por ata që patën mashtrimin më të vogël e kanë të qartë se kush e kishte në dorë Bashës. Sot duhet të bashkohemi. Ai e mohoi prapë, nëse e mohon trego një për një cila është e vërteta. Nga dolën 600 e ca mijë euro? Ato janë të përshkuara tamni. Nuk është Edi Rama për ti mbyllur. Akti i tij ka qenë 100% personal, nuk i ka dhënë asnjeriu në PD", tha Berisha

Berisha u shpreh se PD nuk do të vijë në pushtet me dhunëpor me një revolucion paqësor. Ai tha se në 8 vite qeverisjeje Rama ka arrestuar 22 mijë qytetarë sa i përket faturve të energjisë elektrike.

FJALA E PLOTË E KREUT TË PD

Rama më 3 mars 2018 shkruan se ky i ka futur duart në xhepat rusë dhe kjo punë do hetohet deri në fund. Si e hetoi, e mori peng për për zverku, në një akt të shëmtuar, anti demokratik dhe anti kombëtar. Tani ne të gjithë demokratët duhet të bashkohemi, por ata që patën mashtrimin më të vogël e kanë të qartë se kush e kishte në dorë Bashës. Sot duhet të bashkohemi. Ai e mohoi prapë, nëse e mohon trego një për një cila është e vërteta. Nga dolën 600 e ca mijë euro? Ato janë të përshkuara tamni. Nuk është Edi Rama për ti mbyllur. Akti i tij ka qenë 100% personal, nuk i ka dhënë asnjeriu në PD. Ne kemi një armik para, dhe ky armik është Edi Rama. Ne nuk vijmë në pushtet me dhunë, por me kryengritje paqësore ne duhet ta heqim nga pushteti atë. Nëse ne e lejojmë  këtë armik që dhunon votat dhe lirinë, interesin kombëtar Shqipëria do zhbëhet, por ne këtë nuk do ta pranojmë kurrë. Ndaj duhet të bashkohemi. Ky vend nuk është për tu braktisur, por ky vend është i bekuar. Ju falënderoj për mendimet e çmuara që keni dhënë dhe analizat realiste. Jam shumë mirënjohës për të gjithë mbështetjen tuaj. Secili prej jush ka shtruar këtu vetëm të vërteta, ka paraqitur një realitet që rrjedh nga një kërcënim dhe rrezik madhor i Shqipërisë dhe Pukës. Kërcënim dhe rrezik që nuk ekzistonte 8 vite më parë. Unë nuk them se ishim pa probleme 8 vite më parë, plot kishim. Por përsëri nga viti 2007-2014 në këtë vend popullata u rrit nga vitit në vit. Kishte shpresë, dinamikë. Rritja e popullatës nga viti në vit dhe rikthimi. Mbi 180 mijë emigrantë u kthyen të investojnë, veçanërisht në zonat e jugut. Ishte një besim tek Shqipëria, ishte shpresë dhe dëshmonte për mundësitë dhe potencialet e saj. Nuk dua aspak, as të mburrem as lavdërohem me ato vite. Por i përmend këtu për të thënë se cilat janë mundësitë e Shqipërisë. Ne në 8 vite dyfishuam rrogat dhe pensionet, ndërtuam mbi 11 mijë kilometra rrugë në të gjithë Shqipërinë. Rindërtuam mbi 1 mijë e ca shkolla. Shtrimë internetin dhe ngritëm një infrastrukturë digjitale. Nuk e përfunduam. Unë jam i vetëdijshëm, që në Pukë mbetën rrugë të paasfaltuara, por që ishin të domosdoshme. Ne në 2005-2013 kemi investuar në fshatin shqiptar, 3.2 miliardë euro dhe ato pothuajse nuk duken. Po pse kjo, sepse fshati ishte në një gjendje të prapambetur. Vend të zhvilluar pa fshat të zhvilluar nuk ka. Një qeveri që punon për të krijuar mundësi qytetarëve të saj që të krijojnë të mira për vete dhe për vendin, duhet të krijojë disa kushte bazë, infrastrukturën.
Shqipëria ishte një vend shprese. Nga 2014 janë larguar mbi 744417 shqiptarë vetëm në BE. Pa llogaritur sa kanë shkuar në Kanada, SHBA, Norvegji, Zvicër, etj. Sepse janë ndjekur politika shpopullimi. Ju e thatë atë të energjisë. Një qeveri e votuar nga populli është e detyruar në kodin moral të një vendi të lirë të ju sigurojë qytetarëve, ujë, drita dhe kafshatën. Ti siguroj të gjitha këto, ishte e pamundur, por edhe të arrestosh 22 mijë vetë siç bëri Edi Rama për faturat e dritave, ju garantoj se nuk ka diktator mbi tokë që e ka bërë këtë. Jo.
Ua them unë statistikën. Enver Hoxha në vitin 1946 ka arrestuar për qëllime politike, 16 mijë shqiptarë në vit. Edi Rama 22 mijë për dritat. Në tërësi njerëz që nuk kishin mundësi ti paguanin.

sali berisha

Sondazh

Poll

MË SHUMË