Politike

Deklaroi se Berisha do shpallet non grata nga BE, Balla: Ka një iniciativë të depozituar në PE

Balla u shpreh se ka një iniciativë të depozituar në Parlamentin Europian ku kërkohet që personat të cilët janë non grata nga SHBA, të sanksionohen dhe nga BE. 

19 Shtator 2022, 11:19 Nga A.B
Deklaroi se Berisha do shpallet non grata nga BE, Balla: Ka një
Taulant Balla

TIRANË- Kreu i Grupit Parlamentar i Partisë Socialiste, Taulant Balla u pyet ditën e sotme për deklaratën e thënë nga ai se Kreu i Partisë Demokratike, Sali Berisha do të shpallet non grata nga Bashkimi Europian. Për gazetarët, Balla u shpreh se ka një iniciativë të depozituar në Parlamentin Europian ku kërkohet që personat të cilët janë non grata nga SHBA, të sanksionohen dhe nga BE. 

'Unë mendoj se për çështje të karakterit të luftës kundër korrupsionit, minimit të demokracisë, SHBA-ja dhe BE-ja koordinohen mes tyre. Ka një iniciativë të depozituar në Parlamentin Evropian ku kërkohet që personat të cilët janë shpallur non-grata nga SHBA-ja apo të përfshirë në instrumenta të tjerë që SHBA-ja po implementon për të identifikuar këdo që punon në dëm të demokracisë, natyrshëm një gjë e tillë do të ndodhë edhe në BE. Sipas vlerësimit tim një gjë e tillë nuk do të vonojë e do të ndodhë shumë shpejt. Këta persona duhet të kenë të njëjtën qasje nga Parlamenti Evropian pastaj edhe nga vendet e BE-së. Është intuitive që një gjë e tillë të ndodhë.'- tha Balla.

Kjo deklaratë u tha nga Balla në sallën e Kuvendit. Ai u shpreh se Berisha së shpejti do të shpallet non grata dhe nga BE-ja.

taulant balla sali berisha

Sondazh

Poll

MË SHUMË