Aktualitet

Hasi e premtoi por Kukësi e realizoi! Busti i Mbretëreshës në qendër të qytetit, Gjici kundër: Fyerje, ndërhyn Policia

Për këtë ka reaguar dhe kreu i Bashkisë Kukës, Safet Gjici, i cili ka bërë një denoncim në Polici lidhur me këtë rast të cilin e ka cilësuar si një fyerja ndaj qytetit. Menjëherë pas kësaj ka ndërhyrë Policia dhe ka hequr bustin nga zona para Pallatit të Kulturës duke e sekuestruar.

19 Shtator 2022, 10:21 Nga d.a e.k
Hasi e premtoi por Kukësi e realizoi! Busti i Mbretëreshës
busti i mbretereshes Elizabeth

HAS- Ditën e sotme i jepet lamtumira e fundit Mbretëreshës Elizabeth II, e cila mbretëroi për 70 vite në krye të Mbretërisë së Bashkuar. Vdekja e saj ka prekur jo vetëm të gjithë britanikët por edhe shqiptarët, kryesisht qytetet e veriut, pasi shumë prej tyre emigrojnë në Britani.

Pikërisht sot në lamtumirën e mbretëreshës në qendër të qyteti verior të Kukësit është vendosur një bust i saj para Pallatit të Kulturës, teksa mbetet mister se kush është autori i kësaj vepre. Bashkia e qytetit njoftoi se nuk ka dijeni se kush mund të jetë autori dhe porositësi i këtij busti i cili në fakt është i përbërë prej kartoni.

Për këtë ka reaguar dhe kreu i Bashkisë Kukës, Safet Gjici, i cili ka bërë një denoncim në Polici lidhur me këtë rast të cilin e ka cilësuar si një fyerja ndaj qytetit. Menjëherë pas kësaj ka ndërhyrë Policia dhe ka hequr bustin nga zona para Pallatit të Kulturës duke e sekuestruar.

Ndërkohë që edhe qyteti verior i Hasit është tronditur nga vdekja e mbretëreshës, ku ditën e vdekjes Bashkia Has i shprehu ngushëllimet e sinqerta familjes mbretërore për humbjen e madhe, ndërkohë që më herët ata kishin planifikuar vendosjen e një statuje të Mbretëreshës në qytet. Në një intervistë të dhënë gjatë kësaj vere për gazetarët e DailyMail, kryebashkiaku Liman Morina tha se kishin planifikuar vendosjen e bustit të monarkes britanike në qytetin e Hasit. Pritet që busti të ndërtohet me paratë e emigrantëve shqiptarë në Britaninë e Madhe.

liman morina vdes mbreteresha elisabeth ii safet gjici

Sondazh

Poll

MË SHUMË