Aktualitet

VD- “Përmbytën” Europën me kokainë, takoheshin shqiptarët me 'Tyson', UDHËZIMI për 'chiquita'

Mafia vepron në Peru dhe planifikon sesi të kalojë tonelata kokainë në Europë. "Dirandro-t" i kishin identifikuar por nuk ende nuk mund të vepronin.

19 Shtator 2022, 10:18 Nga k.m.
VD- “Përmbytën” Europën me kokainë, takoheshin
Pamje nga aksioni anti-drogë në Peru

LIMA- Dy europianë, dy organizata ndërkombëtare të drogës po funksionojnë në vendin tonë. Kanë ‘punëtorë’ shqiptarë, italinë, turq dhe gjermanë. Mafia vepron në Peru dhe planifikon sesi të kalojë tonelata kokainë në Europë. "Dirandro-t" i kishin identifikuar por nuk ende nuk mund të vepronin. Megjithatë i ndiqnin në çdo moment.

“Hidhe një vajzë të vogël, një panoramike për të parë rrugën,”-kështu e udhëzon bossi vendas i drogës shqiptarin që ka takuar në një kafe, duke u munduar të mos binte në sy tek Policia vendase. Por në fakt po flet me një nga kokat e mafias shqiptare në Peru.

Kamerat e Policisë peruane hynë në një rezidencë në Casuarinas, ku luksi ishte kryefjalë. Lulishte, pishinë, xhakuzi dhe…një palestër personale. Policia peruane ka mundur ta kapë pikërisht Kadri Gjokën, një shqiptar i cili i përket kartelit famëkeq “Cártel de Los Balcanes”. Arrestimi i tij ndodhi pikërisht në godinën luksoze në Surquillo. Madje në pamjet e arrestimit qëndron në këmbë, teksa policët i hapin para syve qeset me kokainë. Aty pranë, në Miraflores, agjentët e "Dirandro" ndërhynë duke arrestuar Pasquale Bifulcon, italiani i cili është pjesë e mafies së rrezikshme “Ndrangheta”, e famshme për kontrollin e 80% të trafikut të kokainës në Europë. Por Pasquale Bifulco është tashmë i vjetër në Peru.

Madje diçka kishte nuhatur nga operacioni, pasi nga regjistrimet e kapur, Pasquale takohet në mes të rrugës me Kadri Gjokën që i thotë: Shiko, urdhër arresti është prerë tashmë. E kanë fjalën për veten? Apo është ndonjë kod që përdorin për të nisur dërgesat e kokainës?

Po ashtu, shqiptarët e tjerë janë filmuar edhe në një supermarket, që në pamje të parë duket sikur po bëjnë pazare, por në fakt po i japin instruksionet njëri-tjetrit. Në shtëpinë e tyre, kokainën e kishin siguruar mirë, të paktën ashtu mendonin. E kishin futur në tavan, tek kanali i ajrimit.

Por grupi i tyre u shkatërrua plotësisht. Në këtë operacion u kap një nga krerët e Ndraghetas, Pasquale Bifulco dhe shqiptari i lindur në Rreshen, Kadri Gjoci, 28 vjeç. Ndërsa shqiptari Robert Suloti është i shpallur në kërkim për kokainën, gjithashtu shqiptari tjetër i shpallur në kërkim është identifikuar si Mamo Espitare. Të gjithë janë ‘pre’ e operacionit “Poseidon”, në kuadër të të cilit, në fillim të shtatorit në Hamburg u kapën 2.3 ton kokainë që vinte nga Peruja. Por Gjermania nuk ishte tregu i vetëm. Kokaina dhe shumë dërgesa të tjera do të shpërndaheshin kudo nëpër Europë.

operacioni poseidon peru cártel de los balcanes kadri gjoka pasquale bifulco robert suloti mamo espitare

Sondazh

Poll

MË SHUMË