Politike

Ortaku i Sinaloa-s në kryeministri, Rama: Ju lashë Zotin, kryqëzuat familjen pa verifikuar asgjë

Rama mohoi lidhjen me kartelin 'Sinaloa'.

17 Shtator 2022, 12:28 Nga A.B

Rama

TIRANË- Kreu i qeverisë, Edi Rama ka reaguar për herë të parë në lidhje me artikullin e mediave spanjolle ku thuhej se karteli i drogës ‘Sinaloa’ është i lidhur me mafian shqiptare. Gjatë konferencës për mediat, Rama tha sot se nuk ka lidhje me asnjë grup ilegal e se nuk përfshihet në të tilla fabula, që sipas tij janë trillime mediash. 

'Unë nuk besoj se ka dallim të madh mes medias në fjalë dhe medias tuaj, mendoj se është e njëjta gjë. Mund të thuhen të vërteta dhe gënjeshtra. E konsideroj të neverishme se me një artikull që del diku, merret një familje e tërë shqiptare dhe kryqëzohet nga mëngjesi deri në darkë, pa i pyetur se me çfarë merret. Merret njeriu me i kërkuar në botë, e thuhet se i pastron paratë në Shqipëri. Nuk e di sesi bëhen këto pa asnjë kërkim e verifikim, thjesht kap emra e ngri e uli kriminel, trafikant, ju qofshi dhe zoti ju paste në kujdes të gjithë ju që merreni me këtë sport. Unë jam i pafuqishëm për të bërë çdo gjë tjetër, unë nuk njoh asnjë kartel, nuk kam lidhje me një kartel ilegal, nuk jetoj për të ngrënë më shumë dhe për të jashtënxjerrë më shumë, jetoj për arsye të tjera, nuk ka arsye të tjera si t'jua shpjegoj. Ua kam lënë zotin atyre që ndërtojnë të tilla fabula që përfshihen në këto vrulle sulmesh dhe goditje që shkatërrojnë familje, jetë njerëzish.'- u shpreh Rama.

Dosja.al publikoi më 4 tetor 2020, foto ekskluzive të Luftar Hysës dhe Besnik Lulajt, ortakët e kartelit ‘Sinaloa’ në Shqipëri të cilët u panë të dilnin nga zyra e kryeministrit Edi Rama nën shoqërinë e deputetit gjerman të CDU-CSU, Mark Hauptmann dhe Dorian Duçkës, që në atë kohë ka qenë këshilltar i kryeministrit për investime nga jashtë. Vizita u krye në atë kohë në kuadër të vizitës së Hauptmann në Shqipëri, kur Rama ishte në vrullin politik për të kaluar ndryshimet në Kodin Zgjedhor, edhe pa opozitën parlamentare.

Në atë kohë, Dosja.al u interesua pranë CDU/CSU, nëse vizita e Hauptmann kishte ndonjë mision politik, por një gjë e tillë na u mohua. Dhe lajmi i gazetës meksikane "El Universal" për ortakët e kartelit Sinaloa në vendin tonë, i dha përgjigje pyetjes së ngritur dy vite më parë, duke regjistruar kështu dhe një skandal në zyrën e njeriut që qeveris vendin. Kryeministri tashmë pret ortakët e narkotrafikantit më të madh në botë, Ismael Mayo Zambada, i cili është në ‘luftë’ me djemtë e Joaquín Archivaldo Guzmán Loera, i njohur gjerësisht si El Chapo, për drejtimin e kartelit.

Çfarë raportonte media meksikane El Universal?

Artikulli shkruante se lideri i kartelit Ismael Zambada García, i njohur si El Mayo, ka krijuar lidhje të ngushta me vëllezërit shqiptarë Luftar, Arben, Fatos dhe Ramiz Hysa. Katër vëllezërit janë ortakë me Besnik Lulajn, pronarin e Marina Bay në Vlorë. Sipas burimeve të inteligjencës të konsultuara nga ‘EL UNIVERSAL’, katër shqiptarët zotërojnë një rrjet kazinosh dhe biznesesh në Sonora, Baja California dhe Quintana Roo në të cilat pastrojnë miliona dollarë nga krimi i organizuar, së bashku me avokatë. Përveç kësaj, ata investojnë shuma të mëdha parash në Shqipëri për t’i pastruar ato, në investime të fokusuara në aktivitetet e lojërave të fatit dhe në fushën e turizmit, ku ortak kanë Lulajn.

edi rama lidhja e rames me sinaloat

Sondazh

Poll

MË SHUMË