Sport

Lothar Matthaus, për fanelën e Maradonës: "Nuk e shita as për 7 milionë paundë!"...

Ish-lojtari gjerman rrëfen në ‘Daily Mail’ se ka mundur dhe ka patur oferta ta shesë fanelën e famshme të Kupës së Botës 1986 për një shumë të madhe parash, por nuk e bërë

17 Shtator 2022, 10:04 Nga DOSJA

Lothar Matthaus, për fanelën e Maradonës: "Nuk e shita as

ANGLI - Lothar Matthaus ka rrëfyer ekskluzivisht për ‘Daily Mail’ për fanelën e famshme, që shkëmbeu në finalen e Botërorit 1986 kundër Argjentinës me Diego Maradona, me të cilin kishte edhe një miqësi të ngushtë.

Ish-lojtari ka siguruar se ka pasur dy raste, në të cilat ka mundur të përfitojë nga shitja e fanelës së përmendur, duke përfshirë një super ofertë prej shtatë milionë paundë, pothuajse tetë milionë euro, të cilën në fund e ka refuzuar.

Ish-lojtari foli për fanelën e famshme të legjendës argjentinase në finalen e Botërorit '86 në Meksikë, ku Matthaus dhe Gjermania Perëndimore u mundën 3-2.

Steve Hodge, mesfushori anglez që zotëronte fanelën e Maradonës në çerekfinalet e 'Dora e Zotit', e shiti atë fanelë legjendare në maj, për një rekord botëror prej 7.1 milionë paundë. Ai e quajti, thonë miqtë, "fondi i tij i pensionit".

Matthaus (61 vjeç), i cili është ambasador për Botërorin e ardhshëm në Katar, u tundua gjithashtu të shiste fanelën me kornizë që kishte varur në shtëpinë e tij dhe që e shkëmbeu me Maradonën në stadiumin ‘Azteca’ në këmbim të një një shumë e madhe parash për të mbrojtur të ardhmen financiare të katër fëmijëve të tij. Megjithatë, ai nuk e bëri kurrë.

“Jo”,- thotë ai, pasi ia ktheu fanelën ambasadorit argjentinas në Madrid muajin e kaluar.  "Në 36 vjet, nuk e kam menduar kurrë të marr para për këtë fanelë'. Ishte kënaqësi për mua t'ia ktheja popullit të Argjentinës."

"Diego ishte më i madhi i kohës sime. Asnjë njeri në tokë nuk ka bërë atë që ka bërë të mundur me një top futbolli. Diego është një zot në Argjentinë, prandaj ishte e veçantë t'i jepja fanelën,"- ka përfunduar ai. Në fakt, në dy raste atij i janë ofruar shuma shumë të mëdha për fanelën e përmendur, por ai gjithmonë ka refuzuar ta shesë atë.

B.T (Dosja.al)

Sondazh

Poll

MË SHUMË