Sport

VIDEO/ Ish-ylli i futbollit anglez, David Beckham, pret 12 orë për të bërë homazhe para arkivolin e Mbretëreshës Elizabeth II

"Unë isha shumë me fat që munda të jetoj momente të mëdha në karrierën time dhe që munda t'i afrohesha Madhërisë së Saj,” - deklaroi Beckham

17 Shtator 2022, 08:57 Nga DOSJA

VIDEO/ Ish-ylli i futbollit anglez, David Beckham, pret 12 orë për

ANGLI - Ish-futbollisti anglez David Beckham bëri bujë të premten, pasi priti më shumë se dymbëdhjetë orë, si mijëra njerëz, për të bërë homazh pranë arkivolit të Elizabeth II në Pallatin e Westminsterit. 

“Mendova se ardhja në orën dy të mëngjesit do të ishte më e qetë, por gabova,- tha ish-kapiteni i Anglisë për ‘ITV’. - Është e vështirë për kombin, e vështirë për të gjithë.  Mendoj se të gjithë e ndiejnë këtë dhe zemrat tona janë për familjen (mbretërore)”,- shtoi ai.

“Momenti më i rëndësishëm për mua ishte kur mora (medaljen time) Urdhrin e Perandorisë Britanike. Kisha marrë me vete gjyshërit e mi, mbretërorë të vërtetë”,- tha ish-lojtari 47-vjeçar. - Unë isha shumë me fat që munda të jetoj momente të mëdha në karrierën time dhe që munda t'i afrohesha Madhërisë së Saj”.

Ashtu si ai, qindra mijëra britanikë do të mund të bëjnë homazhe deri të hënën herët në mëngjes pranë arkivolit të mbretëreshës Elizabeth, e cila vdiq të enjten më 8 shtator në moshën 96-vjeçare, pas më shumë se 70 vitesh mbretërim.

B.T (Dosja.al)

Sondazh

Poll

MË SHUMË