Aktualitet

EMRI/ Transportonte 17 emigrantë të paligjshëm, arrestohet 35-vjeçari në Qafë-Botë

Ai do të përballet në Gjykatë me akuzën e dhënies së ndihmës për kalim të paligjshëm të kufijve për shtetasit e huaj. Ndërkohë të dhënat procedurale i kaluan Prokurorisë.

12 Shtator 2022, 14:20 Nga e.k
EMRI/ Transportonte 17 emigrantë të paligjshëm, arrestohet
Pamje nga shoqërimi në Komisariat i të arrestuarit

SARANDË- Një 35-vjeçar i identifikuar Xhelson Jaho ka rënë në prangat e Policisë pasi u arrestua në flagrancë duke transportuar 17 emigrantë të paligjshëm kundrejt fitimit.

Ai u arrestua nga forcat blu në aksin rrugor Çukë – Sarandë ndërsa në makinë kishte emigrantët.

Ai do të përballet në Gjykatë me akuzën e dhënies së ndihmës për kalim të paligjshëm të kufijve për shtetasit e huaj. Ndërkohë të dhënat procedurale i kaluan Prokurorisë.

NJOFTIMI I POLICSË:

Qafë Botë
Goditet një tjetër rast i veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit.
Finalizohet me sukses operacioni policor i koduar "Frequently".
Transportonte 17 emigrantë të paligjshëm, vihet në pranga 35-vjeçari.
Shërbimet e Policisë Kufitare në Qafë Botë, në bashkëpunim me shërbimet e Komisariatit Sarandë, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, në bazë të informacioneve policore, kanë organizuar dhe finalizuar me sukses operacionin policor "Frequently", si rezultat i të cilit u arrestua në flagrancë shtetasi Xh. J., 35 vjeç, banues në Gramsh.
Arrestimi i këtij shtetasi u bë pasi u kap në flagrancë nga shërbimet e Policisë Kufitare, në aksin rrugor Çukë - Sarandë, duke transportuar me një mjet tip furgon, 17 emigrantë të paligjshëm, kundrejt fitimit.
Materialet i kaluan Prokurorisë pranë Gjykatës së Shkallës së Parë Sarandë, për veprën penale "Ndihma për kalim të paligjshëm të kufijve".

 

policia e sarandes

Sondazh

Poll

MË SHUMË