Bota

Princesha Anne do të sjellë nënën në Londër, përpara mbajtjes së funeralit më 19 shtator

Arkivoli pritet të mbërrijë në Pallatin Buckingham në orën 20:00 të martën, ku Mbreti Charles III dhe Mbretëresha Camilla do të jenë dëshmitarë të mbërritjes së tij. Kortezhi pritet të largohet nga kështjella në Royal Deeside - ku mbretëresha vdiq të enjten - në orën 10 të mëngjesit të së dielës.

10 Shtator 2022, 22:27 Nga k.m.
Princesha Anne do të sjellë nënën në Londër,
Mbretëresha Elizabeth II

BRITANI E MADHE- Janë zbuluar detaje të rrugës që do të marrë arkivoli i Mbretëreshës nga Balmoral në Edinburg. Princesha Anne do të shoqërojë arkivolin e Mbretëreshës Elizabeth II në Londër përpara funeralit. "Buckingham Palace" njoftoi se arkivoli do të nisej për në aeroportin e Edinburgut të martën dhe më pas do të dërgohej në Londër nga RAF Northolt, me vajzën e vetme të Mbretëreshës në bord.

Arkivoli pritet të mbërrijë në Pallatin Buckingham në orën 20:00 të martën, ku Mbreti Charles III dhe Mbretëresha Camilla do të jenë dëshmitarë të mbërritjes së tij. Kortezhi pritet të largohet nga kështjella në Royal Deeside - ku mbretëresha vdiq të enjten - në orën 10 të mëngjesit të së dielës.

Fillimisht do të niset për në qytetin e afërt në Ballater, ku do të pritet rreth orës 10:12. Më pas pritet të mbërrijë në Aberdeen rreth një orë më vonë, me homazhe që pritet të bëhen në Duthie Park të qytetit. Në Edinburg, ministri i parë Nicola Sturgeon dhe liderë të tjerë partiakë në Skoci pritet të vëzhgojnë arkivolin teksa kalon pranë Parlamentit Skocez.

Prej aty do të dërgohet në Pallatin e Holyroodhouse, ku do të qëndrojë në dhomën e Fronit deri në pasditen e së hënës.

Më pas do të udhëtojë në një procesion për në Katedralen e Shën Giles, Edinburg, përgjatë Mile Mbretërore me Mbretin dhe fëmijët e tjerë të Mbretëreshës së ndjerë, Princeshën Mbretërore, Duka i York-ut dhe Konti i Wessex-it, duke ndjekur pas në këmbë, së bashku me burrin e Anne, admiralin Sir Tim Laurence.

Camilla, tani Queen Consort, dhe kontesha e Wessex do të ndjekin me makinë dhe gjithashtu do të marrin pjesë në shërbimin në St Giles.

vdes mbreteresha elizabeth ii

Sondazh

Poll

Bota 10 Shtator 2022, 20:10 k.m.

Shtohen trupat e KFOR-it në Kosovë

Foto ilustruese PRISHTINË- KFOR-i ka bërë të ditur se nga 27 shtatori deri më 2 nëntor 2022 do të kryejë nj&e...

MË SHUMË