Aktualitet

VD- Vrasja e biznesmenit shqiptar në Greqi, familjarët e irrituar: Të kalben në burg!

Hotelieri 53-vjeçar dhe djali i tij, 20-vjeç akuzohen për vrasje me paramendim të kryer në bashkëpunim, ndërsa familjarët e shqiptarit shfaqeshin të irrituar, ndërsa forca të policisë u mblodhën jashtë godinës së gjykatës për të shmangur ndonjë incident të mundshëm.

10 Shtator 2022, 17:04 Nga k.m.
VD- Vrasja e biznesmenit shqiptar në Greqi, familjarët e irrituar:
Momenti kur futen në gjyq

GREQI- "Të kalben në burg,"- kjo ka qenë thirrja e familjarëve të biznesmenit shqiptar Xhani Topalli, i cili u vra në Greqi ndaj dy persona, babë e bir, që dyshohet se i kishin lekë borxh shqiptarit. Hotelieri 53-vjeçar dhe djali i tij, 20-vjeç akuzohen për vrasje me paramendim të kryer në bashkëpunim, ndërsa familjarët e shqiptarit shfaqeshin të irrituar, ndërsa forca të policisë u mblodhën jashtë godinës së gjykatës për të shmangur ndonjë incident të mundshëm.

Komandanti i Departamentit të Parë të Policisë Dodekanez z. Kazamias ka tentuar të qetësojë familjarët, ndërkohë që forca të shumta policie ndodhen në zonë për të shmangur incidentet.

46-vjeçar Topalli ishte zhdukur që prej datës 28 gusht, por trupi i tij i pajetë i gjet disa ditë më parë. Hotelieri dhe djali i tij pranuan krimin e rëndë, duke treguar detaje si ndodhi ngjarja. Shkaku që e shtyu drejt vrasjes së tij ishte një borxh rreth 100 mijë euro që 53-vjeçari i kishte biznesmenit shqiptar.

Biznesmeni shqiptar, XhaniTopalli, babai i tre fëmijëve u gjet i vrarë në ishullin Rodos në Greqi më 6 shtator, i cili ishte zhdukur që prej disa ditësh. Ekspertiza mjeko-ligjore e bërë nga autoritetet greke tregoi se biznesmeni shqiptar vdiq si pasojë e 2 goditjeve të forta në kokë. 53-vjeçari grek e mbyti me litar, ndërsa djali i tij e ndihmoi që të fshihnin trupin.

vritet xhani topalli xhani topalli

Sondazh

Poll

MË SHUMË